Erməni “soyqırımı” yalanını ABŞ bu cür hazırlayıb - FotoBu xəritə 1813-1914-cü illər arası Osmanlı imperiyasında yaşayan ermənilərin məskunlaşdığı yerlərdir. 1 milyon 20 min qriqorian, 60 mindən bir az çox katolik ermənilərin yaşadıqları böyük bir ərazidə 1.5 milyon erməninin öldürülməsi nə dərəcədə real ola bilər? Ümumiyətlə o dövrdə Osmanlı imperiyasında 1.5 milyon erməni yox idi və bu sualı ermənilərə verəndə susurlar.

Kult.az xəbər verir ki, bu sözləri tarixçi alim Zaur Əliyev qondarma erməni soyqırımı haqda qeyd edib.

O bildirib ki, 1.5 milyon erməninin guya öldürülməsi söhbəti ABŞ-da yaranıb:

“Məhz Amerika bu qondarma rəqəmləri dünyaya yayıb. Çünki artıq 1914-cü ildə Amerika rəsmləri Osmanlı ərazisində bu prosesi hazırlayırdılar.

Osmanlı dövləti 1914-cü ildə ABŞ-a səfir təyin edir - bu Əhməd Rüstəm bəy idi və onun 24 iyun 1914-cü ildə vəzifəsinə başlayan kimi nəzərdən keçirdiyi ABŞ qəzetləri artıq müsəlman türklərin xristian erməniləri qılıncdan keçirdiyini yazırdı; türklər təhqir olunur, Amerika prezidentindən Osmanlının dənizlərinə döyüş gəmilərini göndərmək tələb edirdilər. 1914-cü ildə soyqırım söhbəti belə yox idi, amma Amerika mediası bunu yazırdı.

Amerika rəsmləri səfirə ciddi təzyiqlər edirdilər, onu persona non qrata elan etmək üçün səbəb axtarırdılar. 1914-cü ildə ABŞ-da erməni soyqırımı təbliğatına qarşı mübarizə aparan, ABŞ Prezidenti Vilsona “Sən əvvəl öz qanlı əllərini təmizlə” deyən səfir Prezident Vilsonun təkidi ilə Amerikanı tərk edir.

Bu, hadisələrin başlanğıcı idi. Amerika xüsusi missionerləri Osmanlı torpaqlarında üsyan layihəsi hazırlayırdılar və Osmanlı kəşfiyyatı bu barədə məlumatlı idilər. Köçürülmə qərarından sonra 13 vilayətdə yaşayan (300 min) erməni onlara dəyən zərəri ödəməklə digər ərazilərə köçürülməsi başlandı. Amerika və ona o zaman dəstək verən Fransa və Rusiya ermənilərin o ərazidən köçürülməsi ilə razılaşa bilmirdilər və bu hadisədən sonra dünyada Osmanlını sıxmağa başladılar. Ölən 250 min ölən erməninin sayı 1.5 milyona “qaldırıldı”. Amerika bu günə qədər də Türkiyəyə uydurma soyqırım vasitəsilə təzyiq etməyə çalışır”.

Dosent sonda bir daha vurğulayıb ki, Osmanlı torpaqlarında erməniləri üsyan etməyə təhrik edən Amerika, bu layihənin rəhbəri Vudro Vilson idi.
Bu gün Şuşada Dünya Azərbaycanlılarının V Qurultayı başlayırBu gün Azərbaycanın mədəniyyət paytaxtı Şuşada Dünya Azərbaycanlılarının V Qurultayı başlayır.

Zəfər qurultayı aprelin 23-dək davam edəcək.

Tədbirdə 65 ölkədən 400 nəfərə yaxın diaspor nümayəndəsi iştirak edəcək.

Dünya Azərbaycanlılarının V Qurultayı son illər yüksək təşkilatlanma və birlik nümayiş etdirən, beynəlxalq ictimaiyyətin Azərbaycan həqiqətləri ilə bağlı məlumatlandırılmasında xüsusi rol oynayan diasporumuzun Qarabağın azad olunmasından sonra ilk böyük görüşüdür.

Zəfər Qurultayında bundan sonra diasporun fəaliyyətini müəyyənləşdirəcək mühüm qərarların qəbul ediləcəyi gözlənilir.

Qurultayın rəsmi açılış mərasimindən sonra Diasporla İş üzrə Dövlət Komitəsinin fəaliyyətinə dair hesabat veriləcək, “Post-müharibə dövründə Azərbaycan diasporunun qarşısında duran vəzifələr”, “Qarabağın bərpası və yenidən qurulmasına Azərbaycan diasporunun töhfələri” mövzularında müzakirələr təşkil ediləcək.
Zelenski müharibəyə son qoymaq üçün Putinlə birbaşa danışıqlara hazırdırUkrayna Prezidenti Volodimir Zelenski müharibəyə son qoymaq üçün Rusiya Prezidenti Vladimir Putinlə birbaşa danışıqlara hazırdır.

"Report" xəbər verir ki, bu barədə BFMTV məlumat yayıb.

"Əminəm ki, Ukrayna və Rusiya liderləri arasında görüş müharibəni dayandırmaq üçün zərrə qədər şans olduğu halda baş tuta bilər", - Zelenski qeyd edib.

Ukrayna lideri fevralın 24-dək Rusiya qoşunlarının mövqelərinə qaytarılması ilə bağlı danışıqlar aparacaq.

“Əgər onlar tarix və yer göstərsələr, biz onlarla görüşməyə hazır olacağıq”, - deyə Zelenski əlavə edib.
Şarl Mişeldən üçtərəfli görüşlə bağlı bəyanatAvropa İttifaqı (Aİ) Şurasının Prezidenti Şarl Mişel Azərbaycan Prezidenti İlham Əliyev və Ermənistanın Baş naziri Nikol Paşinyanla ikinci üçtərəfli görüşündən sonra bəyanat yayıb.

Axar.az-ın xəbərinə görə, bəyanatda vurğulanır ki, Avropa İttifaqı Şurasının Prezidenti Şarl Mişel Cənubi Qafqaz regionundakı vəziyyətin müzakirəsini davam etdirmək və hər iki ölkə ilə Aİ əlaqələrini inkişaf etdirmək üçün Azərbaycan Respublikasının Prezidenti İlham Əliyev və Ermənistan Respublikasının Baş naziri Nikol Paşinyanla görüşüb.

Şarl Mişel Aİ-nin gərginliyin aradan qaldırılmasında yaxından işləmək və regionda yaşayan bütün insanların rifahı naminə təhlükəsiz, sabit, dinc və firavan Cənubi Qafqazı təşviq etmək üçün Ermənistan və Azərbaycan ilə əməkdaşlığı dərinləşdirməyə sadiqliyini bir daha vurğulayıb.

Qeyd edilir ki, liderlər 2021-ci ilin dekabrında Brüsseldə keçirdikləri son görüşdən və 2022-ci ilin fevralında Fransa Prezidenti Emmanuel Makronla videokonfransdan sonra baş verənləri qiymətləndiriblər. Həmçinin liderlər 10 noyabr 2020-ci il tarixli üçtərəfli bəyanatın müddəalarına tam əməl olunmasının zəruriliyini təkrarlayıblar. Tərəflər 2022-ci il martın 30-da Aİ-nin vasitəçiliyi ilə Brüsseldə Ermənistan və Azərbaycanın yüksək səviyyəli nümayəndələrinin görüşünü alqışlayıblar və liderlər səviyyəsində əldə olunmuş razılaşmaların təminatı üçün bu əlaqənin davam etdirilməsinin zəruriliyi barədə razılığa gəliblər.
Paşinyandan Brüssel görüşü öncəsi KRİTİK MESAJ: Azərbaycanla razılaşmalıyıq"Ermənistanın Azərbaycanla sülh müqaviləsi məsələsində qeyri-müəyyən mövqedə olmasının səbəbi ondan ibarətdir ki, orada Nikol Paşinyan təkbaşına qərar qəbul edə bilmir".

Bunu Milli.Az-a açıqlamasında politoloq Tofiq Abbasov deyib.

O bildirib ki, sabahkı Brüssel görüşündə Nikol Paşinyan Azərbaycanın şərtlərini qəbul edə bilər:

"Əgər Paşinyanın komandası varsa, onun böyük problemi də var. O problem də ondan ibarətdir ki, o komandanın içində bir neçə tirəlik var. Faktiki olaraq komandanın rəhbəri varsa, - hazırda Ermənistanda parlament idarəçiliyinin şahidiyik və parlament çoxluğunun nümayəndəsi həm də hakim partiya sayılır və orada koalisiya var. Bilirik ki, bu komandanın rəhbəri də Nikol Paşinyandır.

Biz Ermənistan təcrübəsində həmişə şahid oluruq ki, onların taleyüklü qərar qəbul etməkdə heç də İrəvanda oturan rəhbərin səlahiyyəti yoxdur. İlk növbədə diaspora təşkilatları, xüsuilə də ABŞ-dakı ANKA təşkilatı, Avropa ölkələrində - Fransada, Belçikada və digər ölkələrdə olan diaspora təşkilatlarının rəhbrləri bu proseslərə çox kobud sürətdə, ağına-bozuna baxmayaraq müdaxilə edirlər. Ona görə də bu rəhbərin özünün qətiyyəti çatmır ki, ümumiyyətlə idarəetməni özünə bağlasın, onun məsuliyyətini şəxsən özü daşısın. O, bunu bacarmır. Niyə bacarmır?! Çünki bunlar əvvəl-axır həmişə diasporaların əlinə baxırlar. Bunun da səbəbi odur ki, Ermənistan iqtisadiyyatı işləmir, ölkə daxilində vəziyyət gərgindir, sosial problemlər gündən-günə dərinləşir. Bu səbəbdən də rəsmi İrəvan həmişə "yetim payına", yardımlara möhtacdırlar. Yardım göndərən də deyir ki, "Bilirsən nə var, mən razılıq vermədən istər Türkiyə ilə bağlı olsun, istərsə də Azərbaycanla bağlı, qərar qəbul etmə".

Bu proseslərdən görürük ki, həqiqətən də zaman Azərbaycanın xeyirinə işlədi, Azərbaycan bu vəziyyətdən kifayət qədər məharətlə istifadə etdi. Amma zamana qarşı işləyən Ermənistan da indi faktiki olaraq elə bir zəlil vəziyyətdədir ki, çalışır vaxt udmaqla daxiləki bütün oponentlərə göstərsin ki, "biz əgər nəyəsə qərar verəcəyiksə bu, yeganə çıxış yoludur". Yəni əgər söhbət Azərbaycanın 5 bəndlik sülh təklifindən gedirsə, əlbəttə ki, bu, Ermənistan üçün də çıxış yoludur, türkiyə də bunu anlayır. Çünki regionda olan natamam, subyektivliyini itirmiş ölkə Ermənistandır və onun yükü gündən-günə ağırlaşır. Ona görə də indiki məqamda Nikol Paşinyanın qəsdən bu süründürməçiliklə məşğul olması ondan irəli gəlir ki, o, məhz bu sistem daxili oponentlərinə, müxaliflərə göstərir ki, "Daha başqa çıxış yolumuz yoxdur. Biz Azərbaycanın dediyi ilə razılaşmalıyıq". Həqiqətən də Azərbaycanın təklifləri hər iki tərəf üçün çox uyğun, rasional təkliflərdir və Ermənistan onlardan həqiqətən də faydalanacaq.

İndi gördüyümüz kimi ABŞ-la maliyyə yardımı məsələsində ANKA arasında nə qədər böyük qalmaqallar yaşanır. Erməni lobbi təşkilatının rəhbərləri ABŞ-a, Ağ Evə müraciət ediblər ki, o yardımları artırsınlar. Onlar hay-həşir qaldırıblar ki, "siz Ermənistanı yalnız buraxmalı deyildiniz, Ermənistan regionda təkdir, qonşu dövlətlər ona düşməndir və s.". Bu baxımdan çox güman ki, Brüssel görüşlərində bu dəfə artıq Nikol Paşinyan ola bilsin ki, tamhüquqlu ölkənin nümayəndəsi kimi özünü nümayiş etdirsin və qəti qərarını versin".
Bu gün azərbaycanlıların soyqırımı günüdür31 Mart - Azərbaycanlıların Soyqırımı Günüdür.

Avrasiya.net xəbər verir ki, Azərbaycan Respublikası müstəqillik qazandıqdan sonra xalqımızın tarixi keçmişinin obyektiv mənzərəsini yaratmaq imkanı əldə edilib. Uzun illər gizli saxlanılan, üzərinə qadağa qoyulmuş həqiqətlər açılır, təhrif edilmiş hadisələr özünün əsl qiymətini alır.

Azərbaycan xalqına qarşı dəfələrlə törədilmiş və uzun illərdən bəri öz siyasi-hüquqi qiymətini almamış soyqırım da tarixin açılmamış səhifələrindən biridir.

1813 və 1828-ci illərdə imzalanan Gülüstan və Türkmənçay müqavilələri Azərbaycan xalqının parçalanmasının, tarixi torpaqlarımızın bölünməsinin əsasını qoydu. Azərbaycan xalqının bu milli faciəsinin davamı kimi onun torpaqlarının zəbti başlandı. Qısa bir müddətdə bu siyasət gerçəkləşdirilərək ermənilərin Azərbaycan torpaqlarına kütləvi surətdə köçürülməsi həyata keçirildi. Soyqırım Azərbaycan torpaqlarının işğalının ayrılmaz bir hissəsinə çevrildi.

İrəvan, Naxçıvan və Qarabağ xanlıqları ərazilərində məskunlaşdırılan ermənilərin orada yaşayan azərbaycanlılarla müqayisədə azlıq təşkil etmələrinə baxmayaraq, öz havadarlarının himayəsi altında "erməni vilayəti" adlandırılan inzibati bölgünün yaradılmasına nail oldular. Belə süni ərazi bölgüsü ilə əslində azərbaycanlıların öz torpaqlarından qovulması və məhv edilməsi siyasətinin bünövrəsi qoyuldu. "Böyük Ermənistan" ideyaları təbliğ olunmağa başlandı. Bu uydurma dövlətin Azərbaycan torpaqlarında yaradılmasına bəraət qazandırmaq məqsədilə erməni xalqının tarixinin saxtalaşdırılmasına yönəlmiş genişmiqyaslı proqramlar reallaşdırıldı. Azərbaycanın və ümumən Qafqaz tarixinin təhrif olunması həmin proqramların mühüm tərkib hissəsini təşkil edirdi.

"Böyük Ermənistan" yaratmaq xülyasından ruhlanan erməni qəsbkarlar 1905-1907-ci illərdə azərbaycanlılara qarşı açıq şəkildə genişmiqyaslı qanlı aksiyalar həyata keçirdilər. Ermənilərin Bakıdan başlanan vəhşilikləri Azərbaycanı və indiki Ermənistan ərazisindəki qədim Azərbaycan torpaqlarını əhatə etdi. Yüzlərlə yaşayış məntəqəsi dağıdılıb yerlə-yeksan edildi, minlərlə azərbaycanlı vəhşicəsinə qətlə yetirildi. Bu hadisələrin təşkilatçıları məsələnin mahiyyətinin açılmasına, ona düzgün siyasi-hüquqi qiymət verilməsinə maneçilik törədərək azərbaycanlıların mənfi obrazını yaratmış, özlərinin avantürist torpaq iddialarını pərdələmişdilər.

Birinci Dünya müharibəsi, Rusiyada baş vermiş 1917-ci il fevral və oktyabr çevrilişlərindən məharətlə istifadə edən ermənilər öz iddialarını bolşevik bayrağı altında reallaşdırmağa nail oldular. 1918-ci ilin mart ayından etibarən əksinqilabçı ünsürlərlə mübarizə şüarı altında Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başlandı. Həmin günlərdə ermənilərin törətdikləri cinayətlər Azərbaycan xalqının yaddaşına əbədi həkk olundu. Minlərlə dinc azərbaycanlı əhali yalnız milli mənsubiyyətinə görə məhv edildi. Ermənilər evlərə od vurub insanları diri-diri yandırdılar. Milli memarlıq incilərini, məktəbləri, xəstəxanaları, məscid və digər abidələri dağıdıb Bakının böyük bir hissəsini xarabalığa çevirdilər.



Axar.azAZRUENآذ

Bu gün azərbaycanlıların soyqırımı günüdür
12 Punto 14 Punto 16 Punto 18 Punto
31 Mart - Azərbaycanlıların Soyqırımı Günüdür.

Axar.az xəbər verir ki, Azərbaycan Respublikası müstəqillik qazandıqdan sonra xalqımızın tarixi keçmişinin obyektiv mənzərəsini yaratmaq imkanı əldə edilib. Uzun illər gizli saxlanılan, üzərinə qadağa qoyulmuş həqiqətlər açılır, təhrif edilmiş hadisələr özünün əsl qiymətini alır.

Azərbaycan xalqına qarşı dəfələrlə törədilmiş və uzun illərdən bəri öz siyasi-hüquqi qiymətini almamış soyqırım da tarixin açılmamış səhifələrindən biridir.

1813 və 1828-ci illərdə imzalanan Gülüstan və Türkmənçay müqavilələri Azərbaycan xalqının parçalanmasının, tarixi torpaqlarımızın bölünməsinin əsasını qoydu. Azərbaycan xalqının bu milli faciəsinin davamı kimi onun torpaqlarının zəbti başlandı. Qısa bir müddətdə bu siyasət gerçəkləşdirilərək ermənilərin Azərbaycan torpaqlarına kütləvi surətdə köçürülməsi həyata keçirildi. Soyqırım Azərbaycan torpaqlarının işğalının ayrılmaz bir hissəsinə çevrildi.

İrəvan, Naxçıvan və Qarabağ xanlıqları ərazilərində məskunlaşdırılan ermənilərin orada yaşayan azərbaycanlılarla müqayisədə azlıq təşkil etmələrinə baxmayaraq, öz havadarlarının himayəsi altında "erməni vilayəti" adlandırılan inzibati bölgünün yaradılmasına nail oldular. Belə süni ərazi bölgüsü ilə əslində azərbaycanlıların öz torpaqlarından qovulması və məhv edilməsi siyasətinin bünövrəsi qoyuldu. "Böyük Ermənistan" ideyaları təbliğ olunmağa başlandı. Bu uydurma dövlətin Azərbaycan torpaqlarında yaradılmasına bəraət qazandırmaq məqsədilə erməni xalqının tarixinin saxtalaşdırılmasına yönəlmiş genişmiqyaslı proqramlar reallaşdırıldı. Azərbaycanın və ümumən Qafqaz tarixinin təhrif olunması həmin proqramların mühüm tərkib hissəsini təşkil edirdi.

"Böyük Ermənistan" yaratmaq xülyasından ruhlanan erməni qəsbkarlar 1905-1907-ci illərdə azərbaycanlılara qarşı açıq şəkildə genişmiqyaslı qanlı aksiyalar həyata keçirdilər. Ermənilərin Bakıdan başlanan vəhşilikləri Azərbaycanı və indiki Ermənistan ərazisindəki qədim Azərbaycan torpaqlarını əhatə etdi. Yüzlərlə yaşayış məntəqəsi dağıdılıb yerlə-yeksan edildi, minlərlə azərbaycanlı vəhşicəsinə qətlə yetirildi. Bu hadisələrin təşkilatçıları məsələnin mahiyyətinin açılmasına, ona düzgün siyasi-hüquqi qiymət verilməsinə maneçilik törədərək azərbaycanlıların mənfi obrazını yaratmış, özlərinin avantürist torpaq iddialarını pərdələmişdilər.

Birinci Dünya müharibəsi, Rusiyada baş vermiş 1917-ci il fevral və oktyabr çevrilişlərindən məharətlə istifadə edən ermənilər öz iddialarını bolşevik bayrağı altında reallaşdırmağa nail oldular. 1918-ci ilin mart ayından etibarən əksinqilabçı ünsürlərlə mübarizə şüarı altında Bakı Kommunası tərəfindən ümumən Bakı quberniyasını azərbaycanlılardan təmizləmək məqsədi güdən mənfur plan həyata keçirilməyə başlandı. Həmin günlərdə ermənilərin törətdikləri cinayətlər Azərbaycan xalqının yaddaşına əbədi həkk olundu. Minlərlə dinc azərbaycanlı əhali yalnız milli mənsubiyyətinə görə məhv edildi. Ermənilər evlərə od vurub insanları diri-diri yandırdılar. Milli memarlıq incilərini, məktəbləri, xəstəxanaları, məscid və digər abidələri dağıdıb Bakının böyük bir hissəsini xarabalığa çevirdilər.

Azərbaycanlıların soyqırımı Bakı, Şamaxı, Quba qəzalarında, Qarabağ, Zəngəzur, Naxçıvan, Lənkəran və Azərbaycanın başqa bölgələrində xüsusi qəddarlıqla həyata keçirildi. Bu ərazilərdə dinc əhali kütləvi surətdə qətlə yetirildi, kəndlər yandırıldı, milli mədəniyyət abidələri dağıdılıb məhv edildi.

Azərbaycan Xalq Cümhuriyyəti yarandıqdan sonra 1918-ci ilin mart hadisələrinə xüsusi diqqət ayrıldı. Nazirlər Şurası 1918-ci il iyulun 15-də bu faciənin tədqiqi məqsədilə Fövqəladə istintaq komissiyasının yaradılması haqqında qərar qəbul etdi. Komissiya mart soyqırımını, ilkin mərhələdə Şamaxıdakı vəhşilikləri, İrəvan quberniyası ərazisində ermənilərin törətdikləri ağır cinayətləri araşdırdı. Dünya ictimaiyyətinə bu həqiqətləri çatdırmaq üçün Xarici İşlər Nazirliyi nəzdində xüsusi qurum yaradıldı. 1919 və 1920-ci il mart ayının 31-i iki dəfə Azərbaycan Xalq Cümhuriyyəti tərəfindən Ümummilli Matəm Günü kimi qeyd edildi. Əslində bu, azərbaycanlılara qarşı yürüdülən soyqırım və bir əsrdən artıq davam edən torpaqlarımızın işğalı proseslərinə tarixdə ilk dəfə siyasi qiymət vermək cəhdi idi. Lakin Azərbaycan Xalq Cümhuriyyətinin süqutu bu işin başa çatmasına imkan vermədi.

Zaqafqaziyanın sovetləşməsindən öz çirkin məqsədləri üçün istifadə edən ermənilər 1920-ci ildə Zəngəzuru və Azərbaycanın bir sıra torpaqlarını Ermənistan SSR-in ərazisi elan etdilər. Sonrakı dövrdə bu ərazilərdəki azərbaycanlıların deportasiya edilməsi siyasətini daha da genişləndirmək məqsədilə yeni vasitələrə əl atdılar. Bunun üçün onlar SSRİ Nazirlər Sovetinin 23 dekabr 1947-ci il "Ermənistan SSR-dən kolxozçuların və başqa azərbaycanlı əhalinin Azərbaycan SSR-in Kür-Araz ovalığına köçürülməsi haqqında" xüsusi qərarına və 1948-1953-cü illərdə azərbaycanlıların öz tarixi torpaqlarından kütləvi surətdə deportasiyasına dövlət səviyyəsində nail oldular.

Erməni millətçilər öz havadarlarının köməyi ilə 1950-ci illərdən etibarən Azərbaycan xalqına qarşı kəskin mənəvi təcavüz kampaniyasına başladılar. Keçmiş sovet məkanında müntəzəm şəkildə yayılan kitab, jurnal və qəzetlərdə milli mədəniyyətimizin, klassik irsimizin, memarlıq abidələrimizin ən nəfis nümunələrinin erməni xalqına mənsub olduğunu sübut etməyə çalışırdılar. Eyni zamanda, onlar tərəfindən bütün dünyada azərbaycanlıların mənfi obrazını formalaşdırmaq cəhdləri də güclənirdi. "Yazıq, məzlum erməni xalqı"nın surətini yaradaraq əsrin əvvəlində regionda baş verən hadisələr şüurlu surətdə təhrif olunur, azərbaycanlılara qarşı soyqırım törədənlər soyqırım qurbanları kimi qələmə verilirdi.

XX əsrin əvvəlində əhalisinin əksəriyyəti azərbaycanlı olan İrəvan şəhərindən və Ermənistan SSR-nin digər bölgələrindən soydaşlarımız təqiblərə məruz qalaraq kütləvi surətdə qovulurdu. Azərbaycanlıların hüquqları ermənilər tərəfindən kobudcasına pozulur, ana dilində təhsil almasına əngəllər törədilir, onlara qarşı repressiyalar həyata keçirilirdi. Azərbaycan kəndlərinin tarixi adları dəyişdirilir, toponimika tarixində misli görünməmiş qədim toponimlərin müasir adlarla əvəzolunma prosesi baş verirdi.

Saxtalaşdırılmış erməni tarixi gənc ermənilərin şovinist ruhda böyüməsinə zəmin yaratmaq üçün dövlət siyasəti səviyyəsinə qaldırılırdı. Böyük humanist ideallara xidmət edən Azərbaycan ədəbiyyatı və mədəniyyəti ruhunda tərbiyə olunmuş yeni nəslimiz ekstremist erməni ideologiyasının təqiblərinə məruz qalırdı.

Azərbaycan xalqının mənəviyyatına, milli qüruruna və mənliyinə yönəlmiş böhtanlar siyasi və hərbi təcavüz üçün ideoloji zəmin yaradırdı. Xalqımıza qarşı aparılan soyqırım siyasəti özünün siyasi-hüquqi qiymətini tapmadığı üçün tarixi faktlar sovet mətbuatında ermənilər tərəfindən təhrif olunur və ictimai fikir çaşdırılırdı. Ermənilərin sovet rejimindən bəhrələnərək həyata keçirdikləri və 1980-ci illərin ortalarında daha da güclənən anti-Azərbaycan təbliğatına Azərbaycan Respublikasının rəhbərliyi vaxtında lazımi qiyməti vermədi.

1988-ci ildən ortaya atılan Dağlıq Qarabağ münaqişəsinin ilkin mərhələsində yüz minlərlə azərbaycanlının öz tarixi torpaqlarından qovulmasına da respublikada düzgün siyasi qiymət verilmədi. Azərbaycanın Dağlıq Qarabağ Muxtar Vilayətinin Ermənistan SSR-nin tərkibinə daxil edilməsi haqqında ermənilərin qeyri-konstitusion qərarını və Moskvanın əslində bu vilayəti Xüsusi İdarəetmə Komitəsi vasitəsilə Azərbaycanın tabeliyindən çıxarmasını xalqımız ciddi narazılıqla qarşıladı və mühüm siyasi aksiyalara əl atmaq məcburiyyəti qarşısında qaldı. Respublikada keçirilən mitinqlər zamanı torpaqlarımızın işğalı siyasəti qətiyyətlə pislənsə də, Azərbaycan rəhbərliyi öz passiv mövqeyindən əl çəkmədi. Məhz elə bunun nəticəsi olaraq 1990-cı ilin yanvar ayında getdikcə güclənən xalq hərəkatını boğmaq məqsədilə Bakıya qoşunlar yeridildi, yüzlərlə azərbaycanlı məhv və şikəst edildi, yaralandı, digər fiziki təzyiqlərə məruz qaldı.

1992-ci ilin fevral ayında ermənilər Xocalı şəhərinin əhalisinə misli görünməmiş divan tutdu. Tariximizə Xocalı soyqırımı kimi həkk olunan bu qanlı faciə minlərlə azərbaycanlının məhv edilməsi, əsir alınması, şəhərin yerlə-yeksan edilməsi ilə qurtardı.

Millətçi-separatçı ermənilərin Dağlıq Qarabağda başladığı avantürist hərəkatın nəticəsi olaraq, bu gün bir milyondan artıq soydaşımız erməni qəsbkarlar tərəfindən öz doğma yurd-yuvalarından didərgin salınıb çadırlarda yaşamağa məhkum edilmişdi. Ərazimizin 20 faizinin erməni silahlı qüvvələri tərəfindən işğalı zamanı minlərlə vətəndaşımız şəhid oldu, xəsarət aldı.

Azərbaycanın XIX-XX əsrlərdə baş verən bütün faciələri torpaqların zəbti ilə müşayiət olunaraq, ermənilərin azərbaycanlılara qarşı düşünülmüş, planlı surətdə həyata keçirdiyi soyqırım siyasətinin ayrı-ayrı mərhələlərini təşkil edib. Bu hadisələrin yalnız birinə - 1918-ci il mart qırğınına siyasi qiymət vermək cəhdi göstərilib. Azərbaycan Xalq Cümhuriyyətinin varisi kimi Azərbaycan Respublikası bu gün onun axıra qədər həyata keçirə bilmədiyi qərarların məntiqi davamı olaraq, soyqırım hadisələrinə siyasi qiymət vermək borcunu tarixin hökmü kimi qəbul edir.

Ümummilli lider Heydər Əliyevin 1998-ci il 26 mart tarixli fərmanından sonra hər il 31 mart Azərbaycanlıların Soyqırımı Günü kimi dövlət səviyyəsində qeyd edilir.
Putinlə Zelenskinin görüşü hazırlanırUkrayna və Rusiya prezidentləri Volodimir Zelenski ilə Vladimir Putin arasında görüş üçün sənədlər hazırlanıb.

Bu barədə Ukrayna Prezident Administrasiyası rəhbərinin müşaviri Mixailo Podolyak bildirib.

“Sənədlər paketi artıq hazırdır. Biz artıq prezidentlərin görüşlərini hazırlamağa başlaya bilərik. Təbii ki, biz bunu mümkün qədər tez etmək istəyirik”, - deyə Podolyak vurğulayıb.
Ukrayna Rusiya ilə razılaşmanın əldə olunması üçün şərtlərini açıqlayıbUkrayna Rusiya ilə razılaşmanın əldə olunması üçün şərtlərini açıqlayıb.

“Report” xəbər verir ki, bunu Ukrayna və Rusiya nümayəndə heyətlərinin İstanbulda keçirilən görüşündən sonra hakim “Xalqın xidmətçisi” Partiyasının Ali Radadakı deputat fraksiyasının rəhbəri David Araxamiya brifinqdə söyləyib.

“Beynəlxalq razılaşma hər hansısa təzyiq altında gerçəkləşdirilərsə, bu, tamamilə etibarsız sayılar. Bunun etibarlı olması üçün, ilk növbədə, Ukrayna ərazisində heç bir hərbçi qalmamalıdır, torpaqlarımızı tərk etməlidirlər. Nöqtə”, - o vurğulayıb.

D.Araxamiya söyləyib ki, Rusiya qoşunları Ukrayna ərazisini tərk etməlidir: “Düşmən hərbçilər ərazimizdə olduğu təqdirdə heç bir anlaşma imzalaya bilmərik. Çünki hamımız Vyana Konvensiyasına qoşulmuşuq. Bunu Rusiya heyətinə də bildirmişik. Bundan başqa, Ukraynanın 3 milyondan çox qaçqını da ölkəsinə qayıtmalıdır”.

Ukrayna xarici işlər nazirinin sabiq müavini, Rusiya ilə danışıqlarda nümayəndə heyətinin üzvü Aleksandr Çalı deyib ki, Ukraynanın təhlükəsizliyini təmin etmək istəyirlər: “Təhlükəsizliyimizə zəmanət verən ölkələrin bizim Avropa İttifaqına daxil olmağımızı dəstəkləmələrini istəyirik”.

Onun sözlərinə görə, İstanbul danışıqlarında təhlükəsizlikə bağlı razılaşmalar əldə etmək mümkün olmayıb: “Halbuki bu, ərazi bütövlüyümüz üçün mühümdür. Ukraynaya hücum olsa, təhlükəsizliyimizə təminat verən ölkələrin bizim təhlükəsizliyimiz üçün bütün addımları atmasını istəyirik. Əsas tələbimiz budur”.
Rus ordusu Ukraynadan bu tarixdə çıxacaq - Ekstrasens2022-ci ildə Rusiyanı heç də yaxşı dəyişikliklər gözləmir.

Axar.az xəbər verir ki, bunu məşhur “Bitva ekstrasensov” şousunun iştirakçısı Aleksandr Kantonistov deyib.

Onun sözlərinə görə, martın sonundan aprelin 6-dək Rusiyada Putinə etiraz edənlərin hamısının təmizləmələri aparılacaq. Həmçinin, Rusiyada ab-hava sərtləşəcək, bu da daha çox insanın narazı qalması deməkdir:

“Aprelin ortaları dönüş nöqtəsi olacaq. Bu zaman Rusiya qoşunlarının Ukrayna ərazisindən çıxarılması mümkündür. İyunun əvvəlindən Putin üçün həyatında ən kritik dövr başlayır - onu zəhərləmək və fiziki məhvinə çalışmaq cəhdləri olacaq. Çox güman ki, Putin təqib maniyasını gücləndirəcək. Repressiya güclənə bilər”.

Ekstrasensin iddiasına görə, ölkədə “5-ci kolon” şübhəsi genişlənəcək.

Putinin sağlıq durumu ilə bağlı isə ekstrasens avqust-sentyabr aylarını “olduqca təhlükəli” dövr kimi xarakterizə edib.
“Bizi nüvə silahı ilə hədələyirlər” – Ukrayna lideri"Nüvə silahından istifadə bütün dünya üçün təhlükəlidir".

Bu sözləri Ukrayna Prezidenti Volodimir Zelenski onlayn formada qatıldığı Doha Forumunda deyib.

O bildirib ki, Rusiyanın Ukraynadakı müharibədən sonra dayanacağı sual altındadır:

"Rusiyanın müstəmləkəçilik tələbləri heç vaxt bitməyib. Rusiya sülh olmayan dövrlərin geri qayıtmasını istəyir. Siz öz xalqınız arasında ədalətin olmasına çalışırsınız, lakin biz isə 31 gündür ədalət axtarırıq. Mən Birləşmiş Millətlər Təşkilatının köməyini yüksək qiymətləndirirəm, lakin bu, ədaləti təmin etməyə yetmir. Rusiyanın Ukraynaya qarşı etdiyi ədalətsizlikdir. Nüvə silahı ilə qorxudur və hədələyirlər. Onlar təkcə bir xalqı deyil, bütün dünyanı nüvə silahı ilə hədələyirlər. İndi dünyada nüvə və ya kimyəvi silahlardan istifadə edilərsə, nə etmək olar, bu məsələlər müzakirə olunur".