Mehriban Əliyeva Türkiyəyə yardımla bağlı göstəriş verdiFevralın 6-da Türkiyədə baş vermiş və çoxsaylı insan tələfatına səbəb olmuş zəlzələ qurbanlarına dəstək məqsədilə Azərbaycanın birinci xanımı, Heydər Əliyev Fondunun prezidenti Mehriban Əliyevanın göstərişinə əsasən, Heydər Əliyev Fondu tərəfindən qardaş ölkəyə humanitar yardım göndərilir.

Avrasiya.net xəbər verir ki, bununla əlaqədar faciədən zərər çəkmiş şəxslər üçün müxtəlif dərman preparatları, oksigen maskaları, filtrli sistemlər, sarğı materialları, onurğa taxtaları, ilkin yardım boyunluqları, xərək və s. daxil olmaqla tibbi ləvazimat və avadanlıqlar, eləcə də isti geyimlər çatdıracaq xüsusi təyyarə Türkiyəyə yola düşəcək.

Fondun Türkiyəyə ezam edilən əməkdaşları zəlzələ bölgəsində faciədən zərər çəkmiş vətəndaşlara humanitar yardım çatdıracaq.

Qeyd edək ki, Azərbaycanın birinci xanımı, Heydər Əliyev Fondunun prezidenti Mehriban Əliyeva faciə ilə əlaqədar verdiyi başsağlığında Türkiyə xalqının kədərinin bizim kədərimiz olduğunu qeyd edib, yaralananların və xəsarət alanların tezliklə şəfa tapmasını arzulayıb.

Heydər Əliyev Fondu Türkiyə xalqının üzləşdiyi faciə zamanı həlak olanların doğmalarına və yaxınlarına bir daha dərin hüznlə başsağlığı verir, yaralılara şəfa diləyir.
Dost dar gündə tanınar - Türkiyəyə kimlər yardım göndərdiÖtən gün Türkiyədə baş vermiş dağıdıcı zəlzələ bütün dünyanı dəhşətə gətirdi. Çoxsaylı insanın ölümü və xəsarət almasına səbəb olan təbii fəlakətlə bağlı dünəndən bəri bir çox ölkələr Türkiyəyə yardım etmək üçün səfərbər olub. Onlarla ölkə zəlzələ bölgəsinə axtarış-xilasetmə qrupları, tibbi briqadalar və humanitar yardım göndəriblər. Hazırda yardım kampaniyası davam etdirilir.

Qardaş Türkiyəyə ilk dəstək Azərbaycandan olub. Azərbaycan Prezidenti İlham Əliyevin tapşırığına uyğun olaraq, Türkiyədə baş vermiş güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə qardaş ölkəyə gedən Fövqəladə Hallar Nazirliyinin (FHN) çevik xilasetmə qüvvələri Kahramanmaraş şəhərində axtarış-xilasetmə əməliyyatlarına cəlb edilib.

Məlumat üçün bildirək ki, dünən Türkiyədə güclü zəlzələnin fəsadlarının aradan qaldırılması və axtarış-xilasetmə əməliyyatlarına dəstək məqsədilə FHN-in 420 nəfər şəxsi heyəti qardaş ölkəyə göndərilib. Bu gün isə daha iki yardım təyyarəsi qardaş ölkəyə yola salınıb.

Təyyarələrdən biri ilə FHN-in hər cür tibbi avadanlıq və ləvazimatlarla təchiz olunmuş mobil səhra hospitalı göndərilib. Hospital 4 funksional bölmədən – qəbul-çeşidləmə, laboratoriya, cərrahiyyə və intensiv terapiya bölməsindən, 3 köməkçi konteynerdən və 3 hava ilə doldurulan moduldan ibarət olmaqla ən ağır yaralı və xəstələrin müayinə, əməliyyat və müalicəsi üçün müvafiq şəraitlə təmin olunub. Mobil səhra hospitalında FHN-in peşəkar tibbi heyəti xidmət aparacaq. Hospital lazımi bütün dərman və preparatlarla təchiz edilib.

İkinci təyyarə ilə dağıntılardan ziyan çəkmiş insanların yerləşdirilməsi üçün çadırlar, yataq dəstləri, qızdırıcılar və digər avadanlıqlar göndərilib. Eyni zamanda Azərbaycan Ordusunun bir qrup hərbi tibb personalı Türkiyəyə yola düşüb.

Böyük Britaniya


Britaniyanın baş naziri Rişi Sunak Türkiyəyə başsağlığı verərək, istənilən yardığımı etməyə hazır olduqlarını bildirib:

"Düşüncələrim Türkiyə və Suriya xalqı ilədir. Xüsusən də zəlzələdə xilas etmək üçün mərdliklə çalışanlara təşəkkür edirik. Birləşmiş Krallıq olaraq bacardığımız qədər kömək etməyə hazırıq”.

İngiltərə Xarici İşlər Nazirliyi isə Türkiyəyə 76 nəfərlik axtarış-xilasetmə qrupu göndərildiyini açıqlayıb.

İsveçrə


İsveçrə axtarış-xilasetmə işləri aparmaq üçün zəlzələ bölgəsinə 80 nəfərlik qrup göndərmək qərarına gəlib.

Avstriya


Avstriya Türkiyəyə 80 əsgər, 25 xüsusi axtarış-xilasetmə qrupu göndərəcək.

Fransa


Fransa Türkiyəyə 139 axtarış-xilasetmə işçisi göndərəcəyini açıqlayıb.

Macarıstan


Bu çətin gündə Türkiyənin yanında olduqlarını bildirən Macarıstan rəhbərliyi zəlzələ bölgəsinə 50 nəfərlik xilasetmə qrupu yola salacaq.

Çexiya


Çexiya Respublikası Türkiyəyə 68 nəfərlik axtarış-xilasetmə qrupu göndərib.

Yunanıstan


Yunanıstan Fövqəladə Hallar Nazirliyi 21 yanğınsöndürən və 2 axtarış-xilasetmə iti, axtarış-xilasetmə işlərində istifadə olunacaq xüsusi maşınlar göndərəcəyini bildirib.

Bolqarıstan

Bolqarıstan 58 nəfərlik ekspert-xilasetmə qrupunun Türkiyəyə hərəkət edəcəyini, qrupun xilasetmə işləri üçün təchiz olunmuş 20 maşınla gedəcəyini açıqlanıb. Həmçinin 1000 ədəd yataq dəstini Türkiyəyə göndərməyə hazır olduqlarını bildiriblər. Bolqarıstan yardıma əlavə olaraq 1000 adyal və 1000 yataq dəsti göndərəcək. Təcili yardım anbarından 300 mətbəx dəsti, 300 ailə tipli çadır, 300 qızdırıcı, 1000 döşək və 3000 adyaldan ibarət yardım əlavəsi hazırlanacaq.

Albaniya

Albaniya Müdafiə Nazirliyinin yaydığı məlumata görə, Türkiyəyə aralarında axtarış-xilasetmə personalı da daxil olmaqla 7 maşın və 53 nəfərdən ibarət qrup göndərilib.

Niderland


Niderland 65 nəfər və 8 xilasedici itin təyyarə ilə zəlzələ bölgəsinə göndəriləcəyini açıqlayıb.

İspaniya


İspaniya 90-dan çox xilasetmə və tibb qrupunun iki hərbi təyyarə ilə Türkiyəyə yola salınacağını bəyan edib. İspaniyadakı “Sərhədsiz yanğınsöndürənlər” təşkilatı kimi bəzi mülki yardım qrupları 10-15 nəfərlik qruplarla Türkiyəyə yardım üçün gedəcəklərini bildirib.

Polşa


Polşa Türkiyə 76 yanğınsöndürən və 8 xilasedici it göndərəcək.

NATO


NATO-nun baş katibi Yens Stoltenberq da Türkiyəyə dəstəyini ifadə edib: "Türkiyə ilə tam həmrəyik. Prezident Ərdoğan və xarici işlər naziri Çavuşoğlu ilə əlaqə saxlayıram. Hazırda NATO müttəfiqləri dəstək üçün səfərbərdir".

ABŞ


ABŞ prezidenti Co Bayden öz komandasına Türkiyədəki vəziyyəti yaxından izləməyə davam etməyi, mərkəzi Kahramanmaraşda olan və 10 əyalətə təsir edən zəlzələyə görə bütün lazımi yardımı göstərməyi tapşırıb.

Rusiya


Kreml Türkiyənin cənubunda baş vermiş 7,7 bal gücündə zəlzələ səbəbiylə Türkiyə ilə həmrəy olduğunu bildirərək, ölkənin bu fəlakətdən ən az zərərlə çıxacağına ümid edib.

Rusiya Fövqəladə Hallar Nazirliyi zəlzələ ilə əlaqədar 100 nəfərlik axtarış-xilasetmə qrupunu daşıyan 2 İl-76 təyyarəsini Türkiyəyə göndərib.

Yaponiya


Yaponiya Xarici İşlər Nazirliyindən bildirilib ki, Türkiyəyə Beynəlxalq Fövqəladə Xilasetmə Qrupunun 3 üzvü və əlavə 15 mütəxəssis göndərilib.

İsrail


Zəlzələ baş verən andan İsraildən Türkiyəyə dəstək mesajları gəlməkdədir. İsrail rəhbərliyi təbii fəlakətin aradan qaldırılması üçün lazım olan bütün yardımı göstərməyə hazır olduqlarını diqqətə çatdırıb. Xarici işlər naziri Eli Koen təcili yardım paketinin hazırlandığını qeyd edib.

"Bu səhər Türkiyəyə enən İsrail xilasetmə qrupudur. Gecə saatlarında Türkiyə qurumları ilə birgə hərəkət edərək əsgərlərin qəbulunu təşkil edən XİN əməkdaşlarına təşəkkür edir, daha sonra səhra xəstəxanasını da təşkil etməyə hazırlaşırıq", - İsrail xarici işlər naziri Eli Kohen bugünkü paylaşımında qeyd edib.

Çin


Çin lideri Si Cinpin 10 vilayətdə baş vermiş zəlzələ ilə əlaqədar Prezident Rəcəb Tayyib Ərdoğana başsağlığı verib. Rəsmi Pekin Türkiyəyə yardım təklif ediblər.

Livan


Livanın Baş naziri Nəcib Mikati dağıntılar altında qalan insanların xilas edilməsi üçün Türkiyəyə qrup göndərə biləcəklərini açıqlayıb.

Fələstin


Fələstin Baş naziri Məhəmməd İbrahim Türkiyə və Suriyaya axtarış-xilasetmə və sağlamlıq qrupları göndərəcəklərini deyib.

Hindistan

Hindistanın Baş naziri Narendra Modi Türkiyəyə dəstəyini ifadə edib. O, Hindistanın Türkiyə xalqı ilə həmrəy olduğunu və bu faciənin öhdəsindən gəlmək üçün hər cür yardım göstərməyə hazır olduğunu söyləyib.

Digər tərəfdən, Hindistan Baş Nazirliyindən verilən açıqlamada təlim keçmiş axtarış-xilasetmə itləri və xüsusi avadanlıqla təchiz edilmiş 100 nəfərdən ibarət Milli Fəlakətə Qarşı Mübarizə Qüvvələrinin iki komandasının göndəriləcəyi qeyd olunub.

Pakistan

Pakistanın Baş naziri Şahbaz Şərif mərkəzi Kahramanmaraş olan ümumilikdə 10 vilayətdə baş verən zəlzələlərdə can və mal itkisi ilə əlaqədar ölkəsinin Türkiyəyə axtarış-xilasetmə qrupu, yardım materialları göndərəcəyini söyləyib.

Prezident Ərdoğanla telefon danışığında Pakistanın bu çətin zamanda türk qardaşlarına kömək etmək üçün hər şeyi edəcəyini söylədiyini Şərif Türkiyəyə axtarış-xilasetmə qrupu, həkim və tibb işçilərinin göndəriləcəyini qeyd edib. Ardınca 36 nəfərlik axtarış-xilasetmə qrupu və yardım ləvazimatlarını daşıyan 2 C-130 nəqliyyat təyyarəsi Türkiyəyə göndərilib.

Ümumilikdə isə indiyədək 60-dan çox ölkə Türkiyəyə axtarış-xilasetmə qrupları və digər humanitar yardımlar göndərib.

Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb. Son məlumata əsasən, zəlzələ nəticəsində 3419 nəfər həyatını itirib, 20 534 nəfər isə yaralanıb. 8 mindən çox insan isə dağıntılar altından salamat çıxarılıb.
Türkiyədə itki sayı artdı: 3381 nəfər ölüb, 20 mindən çox yaralı varTürkiyədə baş vermiş zəlzələdə itkilər və yaralı sayı artıb.

Avrasiya.net "TRT Haber"ə istinadən xəbər verir ki, bu barədə ölkənin Fövqəladə Halların İdarə Olunması Agentliyi (AFAD) məlumat yayıb.

Bildirilib ki, zəlzələ nəticəsində 3381 nəfər həyatını itirib, 20 426 nəfər isə yaralanıb. Həmçinin 5775 bina dağılıb.

Xatırladaq ki, fevralın 6-da yerli vaxtla saat 4:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ qeydə alınıb.
Mehriban Əliyeva Türkiyəyə başsağlığı verdiAzərbaycanın Birinci vitse-prezidenti Mehriban Əliyeva Türkiyəyə başsağlığı verib.

Avrasiya.net xəbər verir ki, Birinci vitse-prezident bu barədə İnstaqram hesabında yazıb.

"Türkiyənin cənub-şərqində baş vermiş güclü zəlzələnin nəticələri barədə xəbərləri dərin kədər hissi ilə qarşıladım. Allah faciə zamanı həlak olanlara rəhmət eləsin. Onların doğmalarına və yaxınlarına dərin hüznlə başsağlığı verirəm. Yaralananların və xəsarət alanların tezliklə şəfa tapmasını arzulayıram. Türkiyə xalqının kədəri bizim kədərimizdir. Uca Tanrıdan bütün Türkiyə xalqına güc və səbir diləyirəm!", - deyə o qeyd edib.
İran Azərbaycana 3500 casus yerləşdirib – Türk mediası1996-cı ildə “Azərbaycan Masası” adlı xüsusi bir qurum yaradan İran 3 min 500 casusu Azərbaycana göndərib. Yaxalanan bəzi casuslar öz cinayətlərini etiraf edib, 700 nəfər isə qaçıb.

Axar.az xəbər verir ki, bu haqda Türkiyənin “Haber7.com” xəbər portalında yayımlanan “Qardaşa 3 min 500 casus yerləşdirilib. Tarixdə örnəyi yox” adlı məqalədə bildirilib.

Məqalədə casusların Azərbaycana sızdırılma əməliyyatının on dörd il davam etdiyi qeyd olunub:

“İran kəşfiyyatının Azərbaycanda ilahiyyat, siyasət, iqtisadiyyat, mədəniyyət, təhlükəsizlik, mülki və hərbi bürokratiya sahələrinə Tehrana xidmət etməsi üçün 3500 casus yerləşdirildiyi iddia edilib. Bu şəxslərin hamısı azərbaycanlı qadınlarla evlənərək Bakıya girib. Azərbaycan kəşfiyyatı 1997-2011-ci ildə xüsusi bir proqram çərçivəsində gerçəkləşən sızmanı təsbit edib və sorğulanan İran casusları cinayətlərini etiraf edib. İranın sızma hərəkatının aşkar olunması ilə 700 nəfə şiə casusun Azərbaycandan qaçdığı müəyyən olunub. Azərbaycan mənbələrindən əldə edilən məlumatlara görə, layihəyə 1996-cı ildə paytaxt Tehranda “Azərbaycan Masası” adlı xüsusi bir qurumun yaradılması ilə start verilib. Öncə İran kəşfiyyat xidməti “Şaziman-ı İttilaat” və SEPAH-ın ştatındakı 4000 casusu seçib və bu adamlara Azərbaycanın coğrasiyası, dili, mədəniyyəti ilə bağlı xüsusi təlim keçilib. Növbəti mərhələdə İranın Azərbaycandakı səfirliyindən Tehrana yaxın ailələrlə genişçaplı fəaliyyət aparılması istənilib. Sonra isə müəyyən edilmiş şəxslərlə əlaqə qurulub və evləndirmə mərhələsi həyata keçirilib”.

Məqalədə bunun tarixdə örnəyinin olmadığı vurğulanıb:

“Azərbaycanın təhlükəsizlik mənbələri tarixdə bu sızma layihəsinin başqa bir nümunəsinin olmadığını qeyd ediblər. Yaxalanan İran casusları sorğu zamanı həyat yoldaşlarını kataloqdan seçdiklərini deyiblər. İran casuslarının ilk işi azərbaycanlı həyat yoldaşlarının “rəhbər” kimi qəbul etdikləri ali rəhbəri Seyid Əli Xameneiyə biət etmələrini, etiqad məsələləri başda olmaqla, namaz və digər ibadətlərini şiələrdəki kimi yerinə yetirmələrini təmin etmək olub. Fərqli özünü gizlətmə yollarını tətbiq edən casuslar Azərbaycana yerləşdikdən dərhal sonra kəşfiyyat məlumatları toplamağa və bu bilgiləri Tehrana göndərməyə başlayıb. Azərbaycan qanunlarına görə evləndikdən beş il sonra əldə edilən vətəndaşlıq haqları ilə daha geniş imkanlara qovuşan İran casuslarının yerləşdirildikləri sahələrdə də dəyişikliklər edilib. Vətəndaşlıq haqqına sahib olanlar daha strateji sahələrə yönəldilib. Bəzi casuslar əllərindəki ciddi sərmayələrlə ticarət sahəsinə, digərləri isə mülki, hərbi, diplomatiya, siyasət, QHT, mədəniyyət və ilahiyyət kimi sahələrə sızıb”.

Araşdırmada Tehrandakı səfirliyimizdə terror aktı törədən Yasin Hüseynzadənin də həmin qrupun tərkibində olduğu vurğulanıb:

“Tehrandakı Azərbaycan səfirliyinə qanlı hücumu gerçəkləşdirən Yasin Hüseynzadənin də eyni qrupdan olduğu təsbit edilib. Onun Urmiyada kitabçılıq ilə məşğul olan qardaşı Rəhman Hüseynzadənin azərbaycanlı qadınların tələyə salınması məsələsində önəmli şəxslərdən olduğu və SEPAH-ın kəşfiyyatında xüsusi vəzifələr yerinə yetirdiyi məruzə edilib”.
DİN İranın casus şəbəkəsinə qarşı əməliyyat keçirib, 7 nəfər saxlanılıbBu gün Bakıda İranın casus şəbəkəsinə qarşı xüsusi əməliyyat keçirilib.

APA-nın əldə etdiyi məlumata görə, DİN tərəfindən əməliyyat keçirilən məkanlar arasında SalamNews informasiya agentliyi və “İnteraz” da var.

Daxili İşlər Nazirliyinin əməkdaşları tərəfindən həyata keçirilən xüsusi əməliyyat tədbirləri nəticəsində Bakıda və respublikanın digər bölgələrində 7 nəfər – A. T. Kərimov, E. A. Rəhimov, İ. Ə. Ələkbərov, M. N. Cəfərov, H. H. Cabbarlı, F. S. Əbdülov və A. Ə. Cümşüdov şübhəli şəxs qismində tutulublar.
Səfirliyə hücum iki ay əvvəl planlaşdırılıb - SEPAH polkovnikinin etirafıYanvarın 27-də Azərbaycanın İrandakı səfirliyinə edilmiş terror hücumunun təsadüfi baş vermədiyi ortaya çıxmaqdadır.

Bəzi faktlar bu hücumun əvvəldən planlaşdırıldığını bir daha təsdiqləyir.

Hələ bir neçə ay əvvəl SEPAH-ın Qüds bölməsinin rəhbərlərində biri, polkovnik Həbib Babayi naxçıvanlı sürücülərə, eləcə də Azərbaycanın Tehrandakı səfirliyinə qarşı hücum və terror aktları planlaşdırdıqları barədə danışıb.

Həbib Babayi Ermənistandan yayımlanan, fəaliyyəti Azərbaycanda milli etnik zəmində qarşıdurma və təxribatlar üzərində qurulmuş internet tv-də separatçı Zabil Məhərrəmova müsahibəsində bu hücumların anonsunu verib.

Həbib Babayinin anonsunu verdiyi terror aktı yanvarın 27-də həyata keçirilib.

Bu kimi faktlar bir daha göstərir ki, yanvarın 27-də Azərbaycan səfirliyinə edilən xain terror hücumu əvvəldən xüsusi planla hazırlanıb, İran rəsmilərinin insidentin ailə-məişət zəminində baş verdiyini vurğulaması, hadisənin motivini dəyişməyə çalışması əsassızdır.
Səfirliyə hücumla bağlı yeni görüntülər yayıldı - VideoXəbər verdiyimiz kimi, bu gün saat 08:30 radələrində Azərbaycanın Tehrandakı səfirliyinə Yasin Hüseynzadə olduğu iddia edilən İran vətəndaşı terror hücumu təşkil edib. Avtomat silahla edilən hücumda səfirliyimizin təhlükəsizlik xidmətinin rəisi Orxan Əsgərov qətlə yetirilib, daha iki əməkdaş yaralanıb.

Avrasiya.net terrorçunun binadan çıxarıldıqdan sonrakı hücumu ilə bağlı növbəti görüntüləri təqdim edir:
İranın hücumla bağlı yalanı ifşa olundu - PetrovBakıya Azərbaycanın Tehrandakı səfirliyində baş vermiş terror aktının “hərtərəfli araşdırılacağını” vəd edən İran hakimiyyəti buna saxta məlumat yaymaqla başladı. Diplomatik missiyaya hücumdan sonrakı ilk saatda Tehran polisi basqının “şəxsi və ailəvi” motivləri əsasında edildiyini və terrorçu ilə birlikdə orada iki azyaşlı uşağın olduğu barədə bəyanat yaydı. İddialara görə, o, səfirliyə arvadını tapmaq üçün gəlib. Tehran polisinin yalanları video-görüntülərlə dərhal ifşa olundu. Səfirlikdəki və onun qarşısındakı müşahidə kameraları İranın yalanını ifşa etdi.

Axar.az xəbər verir ki, bunu rusiyalı analitik Andrey Petrov deyib.

“Səfirliyin daxilində terror aktını lentə alan ən dəhşətli kadrlarda yaraqlının binaya tək girdiyi aydın görünür. Onun cinayət yerinə gələn görüntülərdə terrorçunun avtomobili görünür, orada sərnişin yoxdur. Yəni terror aktını törədən şəxs əvvəldən təkbaşına hərəkət edib, yanında uşaq olmayıb. İran hakimiyyətinə terror aktı ilə bağlı Bakıya və bütün dünyaya yalan danışmaq nəyə lazım idi?

Yaraqlının dindirilməsi zamanı daha bir yalan məlumat yayılır. Guya ötən ilin yazından onun arvadı Azərbaycan səfirliyində olub, o da bu barədə Azərbaycan diplomatlarına mütəmadi müraciət edib, lakin cavab almayıb. Ona görə də qatil “Kalaşnikov” avtomatından istifadə etməklə arvadını tapmaq qərarına gəlib. Bu nə deməkdir? Təbii ki, İran polisi avtomobildə və ya yaxınlıqda uşaq olmadığına diqqət yetirməyə bilməzdi. Bu da onların “psixi balansı olmayan cinayətkar” versiyasının artıq etibarlı olmadığını göstərir. Əvəzində başqa versiya gündəmə gəlir: Azərbaycanın Tehrandakı səfirliyinə qarşı törədilən terror aktı İranın bu və ya digər yüksək dairəli hakimiyyət orqanlarının iştirakı ilə əvvəlcədən planlaşdırılıb. Yaraqlı əvvəlcədən hazırlanıb. Bu yalançı məlumatlarla da terror təşkilatçıları məsuliyyətdən yayınmağa, hücumun "şəxsi və ailə" motivləri əsasında olduğu görüntüsünü yaratmağa çalışıblar”, - o bildirib.

Analitik qeyd edib ki, hazırda terrorçu ilə Tehran polisinin eyni komandada olduğu aydındır:

“Terror aktında daha kimin əli olduğu və mövzuların nə qədər uzandığı Tehranın vəd etdiyi “hərtərəfli araşdırma” zamanı aydınlaşdırılmalı olacaq. İran araşdırma işinə başlasa da, çox güman ki, hadisənin əsl səbəbini yalnız Azərbaycan xüsusi xidmət orqanları üzə çıxaracaq. Bu baxımdan, Azərbaycan səfirliyinin Tehrandan təxliyəsi ilə bağlı qərar təəccüblü görünmür. İran hakimiyyəti onun təhlükəsizliyini təmin etməyib. Kadrlardan görünür ki, diplomatik missiyaya giriş tamamilə sərbəstdir, onun yanında yalnız kiçik bir köşk var. Və orada olan iranlı polis əlində silah olan cinayətkarın girişinə heç bir reaksiya vermir. Azərbaycan diplomatlarının İranda daim təhdid altında olduğu aydın olduğu üçün onların Bakıya qayıtması vacibdir”.
Səfirliyimiz Tehrandan təxliyə olunacaq – XİN rəsmisiBiz bu mənfur hücumu ən sərt şəkildə qınayırıq. Biz İran hökumətindən təcavüzkarın və təhrikçinin müəyyən edilməsi üçün lazımi addımların atılmasını tələb edirik.

Avrasiya.net-in məlumatına görə, bu barədə Azərbaycan Xarici İşlər Nazirliyinin (XİN) Mətbuat xidməti idarəsinin rəisi Ayxan Hacızadə “TRT Haber”ə açıqlamasında bildirib.

"Hər bir dövlət öz ölkəsindəki səfirliklərin təhlükəsizliyini təmin etmək üçün məsuliyyət daşıyır. Azərbaycan hökuməti tezliklə Tehran səfirliyini boşaltmağı planlaşdırır", - deyə XİN rəsmisi əlavə edib.

Qeyd edək ki, 27 yanvar 2023-cü il tarixində Bakı vaxtı ilə səhər saat 8:30 radələrində Azərbaycan Respublikasının İran İslam Respublikasındakı Səfirliyinə silahlı hücum olub. Hücum edən şəxs avtomat silahla mühafizə postunu yararaq, mühafizə xidmətinin rəisini qətlə yetirib. Səfirliyin iki nəfər mühafizə əməkdaşı da hücumun qarşısını alarkən yaralanıblar. Onların vəziyyəti qənaətbəxşdir.