Eynşteynin casus məşuqəsi - Dahi fizik ABŞ-ın nüvə sirlərini sevgisinə qurban verib - FOTOİki nəhəng şəxsiyyət arasında heç bir qadın bu cür oyun oynaya bilməzdi. Dahi fizik Albert Eynşteynin məşuqəsinə çevrilmək, dünya şöhrətli heykəltəraş Sergey Konenkovun həyat yoldaşı olmaq, bu statuslarda münasibətləri tənzimləmək və Moskvanın məxfi tapşırıqlarını yerinə yetirmək ona heç də asan başa gəlməyib. Bütün bu çətinliklərə baxmayaraq, Marqarita Konenkova üzərinə düşən missiyanı yerinə yetirməyi bacarıb.

1895-ci ildə Udmurtiyanın Sarapul şəhərində anadan olan Marqarita Konenkova (qız soyadı Vorontsova) gimnaziyanı bitirdikdən sonra təhsilini Moskvada Ali Qadın Hüquq Məktəbində davam etdirib. O, gənc yaşlarından ölkənin yaradıcı insanları arasında özünə yer tapıb, tanınmış yazıçılar, bəstəkarlar, rəssamlarla yaxın dostluq münasibətləri yaradıb, onların bütün tədbirlərində Marqarita Konenkova ən sevimli qonaq qismində iştirak edib. Cazibədarlığı, xoş münasibəti, intellekti ilə fərqlənən gənc xanıma bir çox tanınmışlar evlilik təklifi edib. Marqarita Konenkova isə bu təkliflərin içərisindən dünya şöhrətli heykəltəraş Sergey Konenkovu seçib.

Valideynləri bu seçimlə razılaşmayıblar, heykəltəraşın Marqaritadan 22 yaş böyük olmasına görə onlar bu evliliyə razılıq verməyiblər. Buna baxmayaraq, Marqarita öz seçimindən dönməyib və onlar 1922-ci ildə ailə həyatı qurublar.

1923-cü ildə Konenkovlar ailəsi Nyu-Yorkda təşkil olunan sovet incəsənət sərgisində iştirak etmək üçün Amerika Birləşmiş Ştatlarına yollanıblar. Əslində səfərin rəsmi adı sərgi olub, qeyri-rəsmi isə Marqarita Konenkovanın ABŞ-da agent kimi fəaliyyət göstərməsi nəzərdə tutulub.

Beləliklə, 3 aylıq ABŞ-a səfər edən cütlük yalnız 22 ildən sonra SSRİ-yə qayıdıb.

Marqarita Konenkovanın Amerikadakı fəaliyyəti ilə bağlı sənədlərin yarıdan çoxu bu günə kimi də "məxfi" qrif altında saxlanılır. Bu illər ərzində o, böyük peşəkarlıqla SSRİ-nin xüsusi xidmət orqanlarına xidmət edib.

Onun qarşısına qoyulan ən çətin və mürəkkəb tapşırıq ABŞ-ın atom layihəsi ilə bağlı məlumatları toplamaq olub. Bu məqsədlə Marqarita Konenkovaya Albert Eynşteynlə münasibət yaratmaq tapşırığı verilib. Bu missiyanın yerinə yetirilməsində ona həyat yoldaşı yardımçı olub. Belə ki, 1935-ci ildə Eynşteynin işlədiyi Prinston Universiteti Sergey Konenkova dahi fizikin büstünü hazırlamaq sifarişini verib. Eynşteyn saatlarla heykəltəraşın qarşısında oturmaq məcburiyyətində qalıb. Artıq iki gündən sonra Eynşteyn bu üzücü "prosedur"dan bezdiyini bildirib. Üçüncü gün isə hər şey dəyişib. Həyat yoldaşının emalatxanasına gələn Marqarita Konenkova Eynşteynin ağlını başından alıb və elə həmin gündən sonra da dahi fizik emalatxanaya planlaşdırılmış vaxtdan bir neçə saat əvvəl gəlib. Münasibətlər günü-gündən daha da yaxınlaşıb. Eynşteyn ağlına da gətirməyib ki, Marqarita Konenkovanın bu münasibətlərdə tamam başqa bir məqsədi var. Amma məqsəd öz yerində, Marqarita Konenkova da Eynşteynə ürəkdən bağlanıb, onu sevib.

Eynşteyn Marqarita Konenkovanı bütün tədbirlərinə dəvət edib, onu öz həmkarları ilə, atom layihəsində iştirak edən alimlərlə də tanış edib. Bununla da cazibədar qadın agent zaman-zaman ABŞ-ın atom layihəsi haqqında SSRİ üçün lazım olan informasiyaları əldə edə bilib.

Bəzi araşdırmaçıların qənaətinə görə Eynşteyn Amerikanın atom sirlərini könüllü olaraq Konenkovaya açıb. Nüvə silahına sahib olan ABŞ-ın planetdə mütləq hakimliyi, hegemonluğu Eynşteyni ciddi narahat edib və o belə düşünüb ki, Amerikanı "susdurmağa" qadir olan ikinci bir dövlət olmalıdır.

Konenkovlar cütlüyü 1945-ci ildə geri, SSRİ-yə çağırılıb. Marqarita Kenonkovanın 22 il ərzində agent kimi xidmətləri açıqlanmayıb. Onların Moskvada qarşılanması isə Marqarita Kenonkovanın fəaliyyətinin hansı səviyyədə olması haqqında təsəvvür yaradıb. Belə ki, ailəyə Moskvanın mərkəzində 4 otaqlı mənzil, Tver küçəsində Sergey Kenonkov üçün böyük emalatxana və şəxsi avtomobil hədiyyə edilib. Sonralar məlum olub ki, İosif Stalin və Lavrenti Beriya Marqarita Konenkovanın xidmətlərini yüksək qiymətləndiriblər.

1990-cı illərin sonlarında isə Marqarita Konenkovanın təkcə agent yox, həm də Eynşteynin məşuqəsi olduğu da üzə çıxıb. Eynşteynin Marqaritaya yazdığı məktublar hərraca çıxarılanda həmin məktubların mətnləri kütləvi informasiya vasitələrində tirajlanıb. Dahi fizik bu məktublarda sevgi etiraflarını ifadə edib və Marqarita Konenkovaya ALMAR deyə müraciət edib - Albert və Marqarita...

1955-ci ildə Albert Eynşteyn, 1971-ci ildə isə Sergey Konenkov vəfat etdikdən sonra Marqarita Konenkovanın ağır illəri başlanıb. Uzun illər sovet kəşfiyyatına işləyən agent unudulub. Dahi fizikin məşuqəsi, dünya şöhrətli heykəltəraşın həyat yoldaşı 1980-ci ildə baxımsızlıqdan və imkansızlıqdan vəfat edib. Vəfatından sonra Marqarita Konenkovanın şəxsi arxivi Dövlət Təhlükəsizliyi Komitəsi tərəfindən məhv edilib. (musavat.com)
Alimlərdən İNQİLABİ ARAŞDIRMA: İtlər COVID-19-un qoxusunu hiss etdilərXüsusi təlim keçən itlərin 94 faizi COVID-19 infeksiyasını aşkar edə bilirlər.

Publika.az xarici KİV-ə istinadla xəbər verir ki, bu, İngiltərənin paytaxtı Londonda yerlən Gigiyena və Tropik Tibb Məktəbində (LSHTM) aparılan araşdırma zamanı məlum olub.

Təlim keçmiş itlər simptomları olmayan xəstələri belə aşkar edə biləcəklər. Həmçinin onlardan sərhəddə və ya hava limanlarında istifadə ediləcək.

Arasdırmanın son nəticəsində itlərin biyosensorlarının insan sağlamlığı məlumatlarını, habelə narkotikləri, qidaları və ya partlayıcı maddələri aşkar edə bildiyi xatırladılır. Qeyd edilir ki, itlər COVID-19-a səbəb olan Sars-CoV-2 nümunələrini 82-94 faiz nisbətində aşkar edirlər.

Alimlər tədqiqat üçün insanların istifadə etdikləri paltarları və üz maskalarını itlərə iylədiblər. Testlərdən birində isə bu heyvanların 6-na COVID-19-a tutulan 200 nəfərin corabları iylədilib. Məlum olub ki, itlər çox dəqiq şəkildə COVID-19-un qoxusunu hiss edirlər.
Mobil telefonla yuxuya gedərkən nə baş verir? – İNANILMAZ FƏSADLARMobil telefon demək olar ki, hər yerdə bizi müşayiət edir. Hətta səhərə kimi telefonla birlikdə yatıb, oyanırıq. Mobil telefon istifadəçilərinin 56%-i söndürüldükdə və ya boşalmaq üzrə olduqda stres yaşayır. Rus alimlərinin apardıqları araşdırma nəticəsində bu qənaətə gəlinib. Eyni zamanda məlum olub ki, mobil telefonlar insan orqanizminə müəyyən dozada şüalandırır və əksər vaxtlar bunun fəsadları özünü göstərir.

Avrasiya.net lent.az-a istinadən bildirir ki, ümumiyyətlə radiasiya ionlaşdırıcı və ionlaşmayan növlərə bölünür. Birincisi və ən təhlükəsi rentgen, ultrabənövşəyi (böyük miqdarda) və qamma şüalarıdır. 10 eV-dən çox bir enerji daşıyırlar, bu da bir elektronu bir molekuldan ayırmaq və kimyəvi bir əlaqəni qırmaq üçün kifayətdir.

İonlaşdırmayan radiasiya - görünən və infraqırmızı işıq, mikro və radio dalğalarıdır. Bu tip elektromaqnit təsirlər insanlar üçün şərti olaraq təhlükəsizdir, lakin bəzi hallarda enerjilərini maddələrin molekullarına köçürə bilər və titrəməsinə və istiləşməsinə səbəb olur.

Mobil telefonun radiasiyası ionlaşdırıcı deyil. Daim belə elektromaqnit təsiri ilə qarşılaşırıq. Bura mikrodalğalı sobalar, televizorlar, radiolar və ümumiyyətlə hər hansı bir elektrikli cihazlar daxildir.

Qeyd edək ki, son 20 ildə müxtəlif ölkələrdən olan tədqiqatçılar bununla bağlı 29 mindən çox elmi nəşr buraxıb, 1300 təcrübə və 300 epidemioloji tədqiqat aparıblar.

Nəticədə "mobil radiasiyanın" sağlamlığa heç bir zərər vermədiyi üzə çıxıb. Lakin buna baxmayaraq, smartfonun özü, ilk baxışdan hiss olunmayan, lakin uzun müddətdə görünən digər mənfi təsirlərlə sağlamlığa zərər verə bilər.

Yatdığımız zaman ekrandan çıxan mavi işıq dalğaları bədəndəki melatonin istehsalını pozur.

Melatonin bioloji hormondur. Bu hormin, bir növ axşam yuxusunun xəbərvericisidir. Ekrandakı işıq isə beyinə ötürdüyü siqnallarla yuxu hormonunun miqdarını azaldır.

Bir sözlə, yatarkən nəinki mobil telefonda, ümumiyyətlə elektron cihazlardan uzaq durun.
Türkiyədə 70 milyon yaşı olan ilbiz qalığı tapıldı - FOTOTürkiyənin Adıyaman rayonunun Sincik qəsəbəsində təxminən 70 milyon illik yaşı olduğu bildirilən qastropod (ilbiz) qalığı tapılıb.

Publika.az xəbər verir ki, qəsəbəyə bağlı Şahkolu kəndində bir çoban qaya üzərində qabartma rəsim görüb və aidiyyatı qurumlara məlumat verib. Rəsmi araşdıran Adıyaman Muzeyinin rəhbərliyi qabartmanın fotoşəkilini çəkərək İstanbul Texniki Universiteti Geologiya Mühəndisliyi bölümünün professoru Ercan Özcana göndərib.

Araşdırmalar nəticəsində bu qabartmanın çoxunun dənizlərdə, bir qisimi şirin və acı sularda, bir qismi isə quruda yaşayan qastropod - ilbiz nəsilinə aid bir heyvan qalığı olduğu müəyyən edilib.

Adıyaman Muzeyinin müdiri Mehmet Alkan qalığın təxminən 20 santimetr uzunluğunda, 7 santimetr enində olduğunu bildirərək deyib:

"Bu qalığın təxminən 70 milyon illik bir yaşı olduğu təxmin edilir."
Ronaldunun pişiyi xəsarət aldı və şəxsi təyyarə ilə müalicəyə getdi – FOTOHazırda Turinin “Yuventus” klubunda forma geyən Kriştianu Ronaldu və onun sevgilisi model Corcina Rodrigesin pişiyi xəsarət alıb.

Bu barədə “Marca” nəşri məlumat yayıb.

Məlumata görə, Pepe ləqəbli ev heyvanı Turin küçələrində gəzərkən avtomobilin təkəri altında qalıb. Xəsarət alan pişik müalicə üçün ulduz futbolçunun şəxsi təyyarəsi ilə İspaniyaya yola salınıb.

Qeyd edək ki, Pepe nadir sfinks cinsinə məxsusdur. Onun qiyməti 3 min avrodur.
Kişiyə hamiləlik diaqnozu qoyulub - Xaçmazda - SƏNƏDSosial şəbəkələrdə Xaçmaz Mərkəzi Rayon Xəstəxanasının rəhbərliyi tərəfindən İlkin adlı kişiyə şəkərsiz diabet ilə hamiləliyi başa çatdırma diaqnozunu qoyulması sənədi ictimailəşdirib.

Avrasiya.net xəbər verir ki, Xaçmaz Mərkəzi Rayon Xəstəxanasının Direktoru Səyyaf həkim xəstəliyi ilə əlaqədar işə çıxmır.
Bu qoyun üçün 500 min dollar ödənildi - FOTODünyanın ən bahalı qoyunu Şotlandiyada keçirilən “Scottish National Texel Sale” auksionunda satılıb. Modern.az xarici KİV-ə istinadən xəbər verir ki, qoyun 367,5 min funt sterlinqə (490,6 min dollar) satılıb.

Teksel cinsindən olan qoyun “Double Diamond” (İkiqat brilliant) ləqəbi ilə tanınıb. Onun ilikin qiyməti 10,5 min funt sterlinq olub.

Teksle cinsli qoyunları Böyük Britaniyada ilk növbədə əla keyfiyyətli əti üçün yetişdirirlər.

İki rayonumuzun işğal gününü anırıq23 avqust Azərbaycanın iki rayonunun işğal tarixidir.

Avrasiya.net xəbər verir ki, Füzuli və Cəbrayıl rayonlarının Ermənistan Silahlı Qüvvələri tərəfindən işğalından 27 il ötür. Bu iki rayonun işğalı Azərbaycan iqtisadiyyatına 9 milyard dollara yaxın ziyan vurub. İşğal nəticəsində insanlar öz ata-baba yurdlarından didərgin düşüblər, onların şəxsi əmlakı talan olunub, ərazidəki tarixi memarlıq abidələri məhv edilib.

Cəbrayıl rayonu Ermənistan Silahlı Qüvvələri tərəfindən 23 avqust 1993-cü ildə işğal olunub. İşğal zamanı Cəbrayıl rayonundan 400 nəfərə yaxın şəhid və 177 müharibə əlili olub, 91 nəfər isə əsir və itkin düşüb. Cəbrayıllılar içərisində 180 nəfərə yaxın Qarabağ müharibəsi əlili statusu alıb, 6 nəfər Azərbaycanın Milli Qəhrəmanı fəxri adına layiq görülüb. 79,9 min nəfərlik Cəbrayıl əhalisinin əksər hissəsi hələ ki Azərbaycanın müxtəlif güşələrində məcburi köçkün olaraq məskunlaşıblar.

Ərazisi 1050 kvadrat kilometr olan Cəbrayıl zəngin yeraltı sərvətlərə malik olub. Cəbrayıl rayonunda mişar daşı istehsalına yararlı və istismara cəlb edilmiş ehtiyatları 2937 min kubmetr olan Tulus tuf, ümumi ehtiyatları 5434 min kubmetr olan Çaxmaqçay, Soltanlı tikinti qumu, ehtiyatları 296 min kubmetr olan kərpic istehsalına yararlı Qaracallı gil ehtiyatı olub. Həmçinin, ehtiyatları 6644 min ton olan sement istehsalına yararlı Göyərçin-Veysəlli vulkan külü, ehtiyatları 1325 min ton olan Minbaşlı gəc, ehtiyatları 5226 min ton olan əhəng istehsalına yararlı Ağtəpə əhəngdaşı, ehtiyatları 4130 min kubmetr olan Cəfərabad qum-çınqıl qarışığı, ehtiyatları 504 ton olan Sahverdi yəşəm və ehtiyatları 1348 ton olan Çaxmaqqaya xalsedon yataqları var.

Füzuli rayonu da 23 avqust 1993-cü ildə erməni hərbi birləşmələri tərəfindən işğal edilib. Ümumi sahəsi 139393 hektar olan Füzuli rayonunun 50 kənd və rayon mərkəzi işğal altındadır. 125368 hektar ərazi hələ də erməni işğalı altındadır. Rayonun işğaldan azad olunan ərazisində 13 qəsəbə və 20 kənd var.

Füzuli sakinlərindən 657 nəfər şəhid, 400 nəfər müharibə əlili olub, 181 nəfər isə əsir və itkin düşüb.

Hal-hazırda Füzuli rayonunun 130,9 minlik əhalisinin 70 minə yaxın nəfəri rayonun azad olunmuş ərazilərində yaşayır, yerdə qalan hissəsi isə Azərbaycanın müxtəlif bölgələrində məcburi köçkün qismində məskunlaşıb.

Artıq 27 ildir Füzuli rayonunun təbii sərvətlərini talan edir. Belə ki, rayonda ümumi ehtiyatları 58858 min kvadrat metr olan və mişar daşı istehsalına yararlı istismar olunan 2 (Dövlətyarlı, Dilağar) əhəngdaşı, kərpic-kirəmit istehsalına yararlı 11211 min kvadrat metr ehtiyatlara malik Kürdmahmudlu gil, ehtiyatları 13053 min kvadrat metr olan Quruçay qum-çınqıl qarışığı yataqları var idi. Rayon ərazisində yaşı 200 ildən 1400 ilə qədər olan 11 ədəd Şərq çinarı təbiət abidəsi kimi pasportlaşdırılıb və işğala qədər mühafizə olunub.
Maska taxmadığı üçün keçini HƏBS ETDİLƏRHindistan polisi Uttar-Pradeş ştatının Kanpur şəhərində qoruyucu maska taxılmadığı üçün keçini həbs edib.

Publika.az xarici mətbuata istinadla xəbər verir ki, şəhərin mərkəzində maskasız gəzən keçini görən polis əməkdaşı onu maşına qoyub və bölməyə aparıb.

Bir müddət sonra keçinin sahibi bölməyə gələrək keçinin buraxılmasını xahiş edib. Polis gələcəkdə bu qaydanın pozulmaması şərti ilə heyvanı sahibinə təhvil verib.