Bu gün Premyer Liqada Azərbaycan derbisi keçiriləcəkBu gün futbol üzrə Azərbaycan Premyer Liqasında VIII turun daha 2 oyunu keçiriləcək.

Avrasiya.net-in məlumatına görə, qarşılaşmalardan biri bölgədə, digəri paytaxtda baş tutacaq.

Günün ilk matçında "Turan Tovuz" "Zirə"ni qəbul edəcək. Hazırda 10 xala malik komandalar 5-6-cı yerləri bölüşdürür. İki kollektiv indiyədək ölkə çempionatında üz-üzə gəlməyib.

Turun mərkəzi oyununda isə "Qarabağ" "Azersun Arena"da "Neftçi" ilə qarşılaşacaq. Hər iki komandanın aktivində 18 xal olsa da, "köhlən atlar" rəqibindən 1 oyun az keçirib.

Ağdam və Bakı təmsilçiləri bunadək ölkə çempionatında 87 dəfə bir-birinə rəqib olub. Bunların 34-ü "Qarabağ"ın, 23-ü "Neftçi"nin xeyrinə başa çatıb. 30 qarşılaşmada qalib müəyyənləşməyib. Topların nisbətində də son Azərbaycan çempionu üstündür - 104-79

"Qarabağ" son 4 görüşdə qələbə qazanıb. Ağdam klubu son iki ev oyununda 4 top vurub.

Azərbaycan Premyer Liqası

VIII tur

1 oktyabr (şənbə)

15:30. “Turan Tovuz” – “Zirə”
Hakimlər: Rauf Allahverdiyev, Zeynal Zeynalov, Rahil Ramazanov, Kamranbəy Rəhimov
Hakim-inspektor: Ceyhun Haşımov
Tovuz şəhər stadionu.

18:00. “Qarabağ” – “Neftçi”
Hakimlər: Rəvan Həmzəzadə, Akif Əmirəli, Cəmil Quliyev, Vüqar Həsənli
Hakim-inspektor: Vüsal Əliyev
“Azersun Arena”.

Qeyd edək ki, turun açılış oyununda "Qəbələ" səfərdə "Səbail"ə 2:1 hesabı ilə qalib gəlib. Tura oktyabrın 2-də oynanılacaq "Şamaxı" - "Sabah" və "Sumqayıt" - "Kəpəz" matçları ilə yekun vurulacaq.
Millətlər Liqasında qrup mərhələsi yekunlaşdıUEFA Millətlər Liqasında qrup mərhələsinə yekun vurulub.

Avrasiya.net xəbər verir ki, A, B və C Liqalarında keçirilən 9 oyunla final və pley-off mərhələsinin bütün iştirakçıları bəlli olub.

A Liqasının 2-ci qrupunda Portuqaliya İspaniya ilə 1-ci yer, İsveçrə isə Çexiya ilə aşağı diviziona düşməmək uğrunda mübarizə aparıb. İspaniyalılar səfər, isveçrəlilər ev qələbəsi ilə istəyinə nail olub. Çexiya isə A Liqasını tərk edib.

B Liqasının 1-ci qrupunda Ukrayna millisi Polşada Şotlandiyanı qəbul edib. Səfərdə qolsuz bərabərliyə nail olan qonaqlar pley-offa adlayıb.

İsrailin liderliyi təmin etdiyi 2-ci qrupda bir görüş baş tutub. İslandiya səfərdə Albaniyanın qonağı olub. Görüş heç-heçə ilə yekunlaşıb.

4-cü qrupda səfərdə Norveçə qalib gələn Serbiya yığması həm A Liqasına, həm də pley-offa vəsiqə əldə edib. Qrupun digər matçında Sloveniya İsveçlə səfərrdə heç-heçə edərək, B Liqasındakı yerini qoruyub. Meydan sahibləri isə aşağı diviziona düşüb.

Nəhayət, C Liqasının 2-ci qrupunda B Divizionuna və pley-offa vəsiqəni daha əvvəl təmin edən Yunanıstan seçməsi evdə Şimali İrlandiyanı məğlub edib. Kosovo doğma meydanda Kipri darmadağın edərək, C Liqasında qalıb. Qonaqlar isə sözügedən divizionu tərk edib.
Azərbaycan millisi bu gün Slovakiya ilə qarşılaşacaqAzərbaycan yığması bu gün UEFA Millətlər Liqasında növbəti oyununu keçirəcək.

"Report"un məlumatına görə, Canni De Byazinin baş məşqçi olduğu komanda C Liqasının 1-ci qrupunda Slovakiyanın qonağı olacaq.

Trnava şəhərindəki Antona Malatinski stadionunda oynanılacaq qarşılaşma Bakı vaxtı ilə saat 22:45-də başlayacaq. Görüşü Uilyam Kollamın başçılıq etdiyi şotlandiyalı hakimlər briqadası idarə edəcək.

Meydan sahiblərində cəzalı Yuray Kuçka, Azərbaycan komandasında isə Mahir Emreli eyni səbəbdən meydana çıxa bilməyəcək. Qrupun digər matçında Belarus yığması Qazaxıstan seçməsinin qonağı olacaq.

22 sentyabr

UEFA Millətlər Liqası

V tur

22:45. Slovakiya - Azərbaycan

Baş hakim: Uilyam Kollam

Trnava. Antona Malatinski stadionu

Qeyd edək ki, Azərbaycan yığması sentyabrın 25-də VI - sonuncu turda Qazaxıstanı, Slovakiya isə Belarusu qəbul edəcək. Qazaxıstan 10 xalla qrupun lideridir. Slovakiya 6 xalla ikinci, Azərbaycan 4 xalla üçüncü, Belarus isə 2 xalla sonuncu pillədə qərarlaşıb.
İranlı mütəxəssis yenidən Azərbaycanın taekvondo millisinə rəhbərlik edəcəkReza Mehmandust yenidən kişi taekvondoçulardan ibarət Azərbaycan millisinin baş məşqçisi təyin olunub.

"Report"un əldə etdiyi məlumata görə, iranlı mütəxəssis bu postda Məmməd Abdullayevi əvəzləyib.

Abdullayev Türkiyənin Konya şəhərində keçirilmiş V İslam Həmrəyliyi Oyunlarında yığma qaneedici nəticələr göstərə bilmədiyi üçün vəzifəsindən kənarlaşdırılıb.

Elnur Amanov Mehmandustun köməkçisi təyin edilib.

Qeyd edək ki, Azərbaycanın kişi taekvondoçuları İslamiadada 1 gümüş və 1 bürünc medal qazanıblar. Cavad Ağayev (68 kq) gümüş, Həşim Məhəmmədov (58 kq) isə bürünc medala sahib çıxıb. Azərbaycan Taekvondo Federasiyası iyunun 23-də Mehmandustla yolların ayrıldığını açıqlamışdı.
Qurbanovdan mübahisəli penalti epizoduna reaksiyaYaxşı mübarizə aparmaq istəyirdik. Rəqibdən çəkinmirdik. İlk 10-15 dəqiqə futbolçularda həyəcan yarandı. Daha sonra düzgün müdaxilələr etdik.

 Report  xəbər verir ki, bunu "Qarabağ"ın baş məşqçisi Qurban Qurbanov "Frayburq"a 1:2 hesabı ilə uduzduqları UEFA Avropa Liqasının qrup mərhələsinin I tur oyunundan sonra mətbuat konfransında deyib.

50 yaşlı mütəxəssis buraxılan iki qoldan sonra futbolçuların toparlandığını bildirib:

"Qarşıdakı matçlara hazırlaşacağıq. Bacardığımız qədər irəli getməyə çalışacağıq. Rəqib komandanı və baş məşqçini təbrik edirəm".

Baş məşqçi mübahisəli penalti epizodu ilə bağlı danışıb:

"Nəsə desək, faydası olmayacaq. İkinci dəqiqədə elə penaltinin verilməsi bizim üçün xoş hal deyil. Amma görüşün sonundakı epizoda baxmamışam. Rəqibin müdafiəçisi qarşılaşmanın sonunda bizim futbolçulara təmiz penalti olduğunu söyləyib. Bəzən kiçik epizodlar bizim kimi komandalara təsir edir. Deyəcək bir söz yoxdur. İnanırıq ki, qarşıda daha diqqətli olarlar. Bu, bizi ruhdan salmayacaq. Belə oyunlarda futbolçuların təcrübəsi artır. Bəzən 3-4 qolu qapımızda görə bilərik. Amma rəqiblərdən çəkinməyəcəyik. Hakimin qərarını isə müzakirə edə və onu dəyişə bilmərik".
"Qarabağ" qrup mərhələsində ilk oyununu keçirəcək"Qarabağ" bu gün UEFA Avropa Liqasının qrup mərhələsində ilk oyununa çıxacaq.

Avrasiya.net-in məlumatına görə, Qurban Qurbanovun baş məşqçi olduğu komanda Almaniyada "Frayburq"un qonağı olacaq.

"Europa-Park" stadionundakı qarşılaşma Bakı vaxtı ilə saat 23:00-da başlayacaq.

Görüşü belçikalı Erik Lambrextsin başçılıq erdiyi hakimlər briqadası idarə edəcək. "Köhlən atlar"ın heyətində zədəli Kevin Medina, meydan sahiblərində isə Roland Şallai eyni səbəbdən görüşü buraxacaq.

Beləliklə, Azərbaycan çempionu ardıcıl 9-cu dəfə avrokubokların qrup mərhələsində mübarizəyə başlayacaq.

G qrupunun digər oyununda "Nant" Fransada Yunanıstan "Olimpiakos"unu qəbul edəcək.

UEFA Avropa Liqası
G qrupu
23:00. "Qarabağ" (Azərbaycan) - "Frayburq" (Almaniya)
Baş hakim: Erik Lambrexts (Belçika)
Frayburq. "Europa-Park" stadionu
Çempionlar Liqasında qrup oyunlarına start verilirBu gün UEFA Çempionlar Liqasında qrup mərhələsinə start veriləcək.

Avrasiya.net xəbər verir ki, ilk oyun günündə E, F, G və H qruplarında ümumilikdə 8 görüş keçiriləcək.

E qrupunda Azərbaycan millisinin hücumçusu Mahir Emrelinin çıxış etdiyi Zaqreb “Dinamo”su doğma azarkeşləri önündə “Çelsi”ni qəbul edəcək.

Gecənin maraqlı qarşılaşmalarından biri isə Parisdə baş tutacaq. Burada PSJ doğma meydanda “Yuventus”la üz-üzə gələcək.

Çempionlar Liqası

Qrup mərhələsi, I tur

6 sentyabr

E qrupu

20:45. "Dinamo" (Zaqreb, Xorvatiya) - "Çelsi" (İngiltərə)
23:00. "Zaltsburq" (Avstriya) - "Milan" (İtaliya)

F qrupu

23:00. "Leyptsiq" (Almaniya) - "Şaxtyor" (Donetsk, Ukrayna)
23:00. "Seltik" (Şotlandiya) - "Real Madrid" (İspaniya)

G qrupu

20:45. "Borussiya" (Dortmund, Almaniya) - "Kopenhagen" (Danimarka)
23:00. "Sevilya" (İspaniya) - "Mançester Siti" (İngiltərə)

H qrupu

23:00. PSJ (Fransa) - "Yuventus" (İtaliya)
23:00. "Benfika" (Portuqaliya) - "Makkabi" (Hayfa, İsrail)

Qeyd edək ki, ilk turun digər 8 matçı sentyabrın 7-də oynanılacaq.
Gürcüstan polisi türkiyəli basketbolçulara hücum edibTbilisi Arenada keçirilən basketbol üzrə Avropa çempionatında Gürcüstan və Türkiyə komandaları arasındakı matçdan sonra qalmaqallı hadisə baş verib.

“Report” xəbər verir ki, bu barədə “Eurohoops” məlumat yayıb.

Türkiyə Basketbol Federasiyasının vitse-prezidenti Ömər Onan bildirib ki, oyun başa çatdıqdan sonra hər iki komandanın basketbolçuları və məşqçiləri ilə yanaşı, Gürcüstanın hüquq-mühafizə orqanlarının əməkdaşlarının da iştirak etdiyi kütləvi dava olub.

“Furkan Qorxmaz məşqçimizlə dəhlizlə paltardəyişmə otaqlarına gedərkən Gürcüstan millisinin oyundan kənarlaşdırılan basketbolçusu Duda Sanadze polislə birlikdə onlara hücum ediblər. Bu baş verməməlidir. Matçın sonunda 30 polis əməkdaşı dava salıb. Biz gürcü polisi ilə dalaşmalı olduq”.

Qeyd edək ki, Basketbol üzrə Avropa çempionatında Gürcüstanın kişilərdən ibarət milli basketbol komandası əlavə vaxtda 88:83 hesabı ilə Türkiyə millisinə qalib gəlib. Matçın dördüncü rübündə Furkan Qorxmazla Duda Sanadze arasında dava düşüb, epizoda əlavə baxıldıqdan sonra hər iki basketbolçu meydandan kənarlaşdırılıb.

Eyni zamanda Türkiyə tərəfi qarşılaşmanın nəticəsinə etiraz edib. Buna səbəb Korkmaz və Sanadze ilə insidentdən sonra 22 saniyənin oyun vaxtından çıxarılması olub.