Bayden Çinə xəbərdarlıq edib: “ABŞ özünü müdafiə edəcək”“Çinin addımları ABŞ-ın suverenliyini təhdid etdiyi zaman rəsmi Vaşinqton ölkəni müdafiə etmək üçün hərəkətə keçəcək”.

“Report”un məlumatına görə, bu barədə ABŞ Prezidenti Cozef Bayden Konqresə “Ölkənin vəziyyəti” haqqında illik müraciəti zamanı söyləyib.

“Əmin olun ki, Çin suverenliyimizi təhdid edərsə, ölkəmizi qorumaq üçün hərəkətə keçəcəyik. Keçən həftə etdiyimiz kimi. Aydınlaşdrımaq üçün deyim: Çinə qarşı rəqabətdə qalib gəlmək hamımızı bir araya gətirməlidir. Çünki dünyada ciddi çağırışlarla qarşılaşırıq”-deyə, o bildirib.

O əlavə edib ki, milli infrastruktur layihələrinin həyata keçirilməsində yalnız ABŞ-da istehsal olunan materiallardan istifadə olunacaq.

“Bu gün mən federal infrastruktur layihələrində istifadə olunan materiallar üçün yeni standartları elan edirəm. Hamısı Amerikada hazırlanmalıdır. Taxta, şüşə, alçıpan, fiber optik kabellər, hər şey amerikanın olacaq. Mənim prezidentliyim müddətində yollar, körpülər və magistral yollar Amerika materiallarından hazırlanacaq”.
Suriyada zəlzələdə ölənlərin sayı 1600-ü keçdiSuriyanın şimalında baş verən zəlzələ nəticəsində ölənlərin sayı 1062-yə çatıb.

Avrasiya.net xəbər verir ki, bu barədə hadisə nəticəsində 3649-dan çox insan yaralanıb.

Qeyd edək ki, 6 fevral tarixində türkiyənin Qəhrəmanmaraş şəhərində 7,4 və 7,7 ballıq güclü zəlzələlər baş verib. Zəlzələ nəticəsində qardaş ölkədə, son məlumata görə, 3419 nəfər dünyasını dəyişib, 20426 nəfər yaralanıb, 5775 bina dağılıb.

Zəlzələ Suriyada da ciddi dağıntılara və tələfata səbəb olub.

***

Suriyadakı zəlzələ nəticəsində həlak olanların sayı 1600- ü keçib.
Bayden Ərdoğana zəng edib başsağlığı verdiABŞ prezidenti Co Bayden türkiyəli həmkarı Rəcəb Tayyib Ərdoğana zəng edib.

Avrasiya.net xəbər verir ki, bu barədə Türkiyə Prezidentinin mətbuat xidməti məlumat yayıb.

Bayden zəlzələ ilə bağlı Türkiyəyə başsağlığı verib, yaralılara şəfa diləyib.

Xatırladaq ki, fevralın 6-da yerli vaxtla saat 04:17-də Türkiyənin Kahramanmaraş vilayətinin Pazarcık rayonunda 7,7 bal, saat 13:24-də isə Elbistan rayonunda 7,6 bal gücündə iki zəlzələ baş verib.

Son məlumatlara görə, zəlzələ nəticəsində həlak olanların sayı 2316 nəfərə, yaralananların sayı isə 13 293 nəfərə çatıb
NATO ölkələri Türkiyədəki zəlzələ üçün səfərbər olduNATO ölkələri Türkiyədəki zəlzələ ilə bağlı səfərbər olub.

Bunu NATO-nun Baş katibi Yens Stoltenberq Tviterdə yazıb.

“Biz bu dəhşətli zəlzələ ilə bağlı müttəfiqimiz Türkiyə ilə tam həmrəy olduğumuzu bildiririk”, - Stoltenberq qeyd edib.

Stoltenberq Türkiyə Prezidenti Rəcəb Tayyib Ərdoğan və xarici işlər naziri Mövlud Çavuşoğlu ilə təmasda olduğunu bildirib.

Qeyd edək ki, Türkiyədə baş verən 7,4 bal gücündə zəlzələ nəticəsində 284 nəfər ölüb, 2323 nəfər yaralanıb.
Hindistan Türkiyəyə yardım göndərirHindistanın Baş naziri cənab Narendra Modinin bu gün Türkiyədə baş verən zəlzələnin nəticələrinin aradan qaldırılması üçün Türkiyəyə mümkün olan hər cür yardımın göndərilməsinə dair göstərişinə əsasən, baş nazirin baş katibi Dr. Pramod Kumar Mişra təcili yardım tədbirlərini müzakirə etmək üçün görüş keçirib.

Avrasiya.net xəbər verir ki, bu barədə məlumatı Hindistan Xarici İşlər Nazirliyi yayıb.

Görüş zamanı Milli Fəlakətlərə Qarşı Mübarizə Qüvvələrinin Axtarış-Xilasetmə Qrupları və Tibbi Qrupların yardım vasitələri ilə birlikdə Türkiyə Cümhuriyyəti Hökuməti ilə koordinasiya əsasında dərhal Türkiyəyə göndərilməsi qərara alınıb.

Milli Fəlakətlərə Qarşı Mübarizə Qüvvələrinin 100 nəfərdən ibarət iki komandası xüsusi təlim keçmiş axtarış itləri və lazımı avadanlıqla birlikdə axtarış-xilasetmə əməliyyatları üçün zəlzələ bölgəsinə göndərilməyə hazırdır. Təlim keçmiş həkimlər və feldşerlərdən ibarət Tibbi Qruplar da zəruri dərmanlarla göndərilmək üçün hazırlanırlar.

Yardım vasitələri Türkiyə Cümhuriyyəti Hökuməti və Hindistanın Ankaradakı Səfirliyi və İstanbuldakı Baş Konsulluğu ilə koordinasiya əsasında göndəriləcək.

İclasda Hindistan Nazirlər Kabinetinin katibi, Daxili İşlər Nazirliyinin, Milli Fəlakətlərə Qarşı Mübarizə İdarəsi, Milli Fəlakətlərə Qarşı Mübarizə Qüvvəsi, Müdafiə Nazirliyi, Xarici İşlər Nazirliyi, Mülki Aviasiya Nazirliyi, Səhiyyə və Ailə Rifahı Nazirliyinin nümayəndələri iştirak ediblər.
Azərbaycanlılar Beynəlxalq Ədalət Məhkəməsi qarşısında aksiya təşkil ediblər31 yanvar 2023-cü il tarixində Beynəlxalq Ədalət Məhkəməsində İrqi ayrı-seçkiliyin bütün formalarının ləğv edilməsi haqqında Beynəlxalq Konvensiyanın tətbiqi ilə bağlı məhkəmə işi üzrə (Azərbaycan Ermənistana qarşı) əlavə müvəqqəti tədbirlərin müəyyən edilməsi məqsədilə Azərbaycanın sorğusu üzrə açıq dinləmələr keçirilib.

Avrasiya.net xəbər verir ki, dinləmələrin keçirildiyi 2 gün ərzində Niderlandda fəaliyyət göstərən Azərbaycan diasporasının rəhbərləri və Niderlandda yaşayan azərbaycanlılar həm Azərbaycan dövlətinə, həm də 51 gündür Laçın- Xankəndi yolunda Azərbaycanın təbii sərvətlərinin ermənilə tərəfindən istismar olunmasına etiraz edən ekofəallara dəstək nümayiş etdirərək 9 saatlıq aksiya təşkil ediblər.

Aksiya Haaq Beynəlxalq Ədalət Məhkəməsinin önündə 2 gün davam edib.

Dinləmələrdən sonra Ədalət Məhkəməsində iştirak edən Azərbaycanın nümayəndə heyətinin rəhbərl Xarici İşlər Nazirinin müavini Elnur Məmmədov dəstək aksiyasında iştirak edən diaspora fəalları ilə görüşüb.

Estoniyadan İrana etiraz - Səfir XİN-ə çağırıldıEstoniya Xarici İşlər Nazirliyi (XİN) İran səfirini çağıraraq Tehranın Rusiyanın Ukrayna ərazisinə hücumunu və İranda insan haqlarının əhəmiyyətli dərəcədə pozulmasını dəstəkləməsini kəskin şəkildə pisləyib.

Modern.az xarici KİV-ə istinadən xəbər verir ki, Estoniya birmənalı şəkildə Rusiyanın Ukraynaya qarşı hücumuna verdiyi dəstəyi, o cümlədən, İranın Rusiyaya hücum pilotsuz təyyarələri vermək qərarını qınayıb.

“Hücum pilotsuz uçan aparatlarının istifadəsi çoxsaylı mülki əhalinin ölümü və Ukraynanın infrastrukturuna böyük ziyan vurması ilə nəticələnib. Estoniya İran hökumətini bu əsassız hücuma hər cür dəstəyi tamamilə dayandırmağa çağırır”, - deyə XİN başçısı Reinsalu bildirib.

Estoniya XİN, həmçinin İran vətəndaşlarının və sakinlərinin edam edilməsini, yüzlərlə insanın ölümünə səbəb olan zorakılıq dalğasını pislədiyini bəyan edib.
İrandan BMT-yə məktub: "Qisas alınacaq"İran İsfahan yaxınlığında pilotsuz təyyarə hücumuna görə İsraili günahlandırıb və qisas alacağını iddia edib.

İranın BMT-dəki nümayəndəsi Əmir Səid İrəvani BMT baş katibinə məktub yazaraq, ilkin araşdırmaların şənbə gecəsi baş verən hücuma görə İsrailin məsuliyyət daşıdığını göstərdiyini bildirib.

Məktubda deyilir: “İran öz milli təhlükəsizliyini müdafiə etmək və İsrail hər hansı təhdid və ya yanlış hərəkətinə lazım bildiyi vaxt və yerdə cavab vermək kimi qanuni və təbii haqqını qoruyur”.

Heç bir itkiyə səbəb olmayan hücum İran və Qərb dövlətləri arasında Tehranın nüvə fəaliyyətləri, silah tədarükü və ölkədə aylarla davam edən anti-hökumət etirazları ilə bağlı gərginliyin yaşandığı bir vaxta təsadüf edib.

İsrail dəfələrlə bəyan edib ki, Tehranın nüvə və ya raket proqramları ilə bağlı diplomatiyası uğursuz olarsa, İran hədəflərinə hücumlar təşkil edə bilər.

İsrail “görünməz” və uzaqmənzilli PUA yaradıb?İsrailin əlində çox geniş miqdarda PUA-lar mövcuddur. Ancaq 1000 km-dən uzaq məsafələrdə vəzifələr yerinə yetirə biləcək PUA-ları haqqında məlumat yoxdur. Bəlkə də İsrail yeni, daha uzaq mənzilli HALE (High Altitude Long Endurance) tipli PUA hazırlayıb. Bu isə onun döyüş sınağı olub. Ona görə heç bir variantı istisna etmək olmaz.

Bu sözləri Axar.az-a açıqlamasında hərbi ekspert Ədalət Verdiyev deyib.

O bildirib ki, İrana zərbələrin İsrail tərəfindən endirildiyinə dair heç bir rəsmi məlumata malik deyilik:

“İran bu zərbələrin kim tərəfindən, nə ilə endirildiyinə dair fakt və sübutları ictimaiyyətə təqdim etməyib. Təbii ki, 1500-1600 km İsraildən aralıda yerləşən hədəflərə, xüsusilə də nüvə tədqiqatı ilə məşğul olan obyektlərə zərbələr endirilməsi suallar yaradır. Çünki hazırda İsrailə məxsus ən uzaq məsafəni qət edən PUA 1000 km-lik mənzilə sahibdir. Məsafənin daha uzun olması həmin PUA-ların tətbiqi faktını müəyyən şübhə altına alır”.

Ekspert həmçinin vurğulayıb ki, İsrail PUA istehsalı potensialında ABŞ-la rəqabət aparan bir ölkədir:

“Hazırda dünyada İsrail, ABŞ və Türkiyə bu sahədə ilk 3 yeri bölüşürlər. Ona görə də İranda hansısa sürü şəklində PUA-nın tətbiqini istisna edə bilmərik. Sadəcə bunların haradan buraxıldığı və hansı modelə aid olduğuna dair dəqiqləş məlumat yoxdur”.