Ukrayna ordusu Liman ətrafında mühasirəyə düşən 5 mindən çox rus əsgərə müraciət edib.

Avrasiya.net xəbər verir ki, bu barədə müraciətin videosunu “Azadlıq” radiosu yayıb.

Ukrayna ordusu rus əsgərlərə səsgücləndiricilərlə mühasirədə olduqlarını, müqavimət göstərməyin mənasızlığını elan edib və təslim olmağı təklif edib.

“Rusiya Silahlı Qüvvələrinin hərbçiləri, Ukrayna müdafiə qüvvələri Limanı ələ keçirdi, müqaviməti davam etdirməyin heç bir mənası yoxdur. Siz mühasirədəsiniz. Başa düşün, sizin hakimiyyətə siz lazım deyilsiniz, onlar üçün siz sadəcə yemsiniz, siz öz doğmalarınıza lazımsınız”, - davamlı səsləndirilən müraciətdə bildirilir.

Rusiya əsgərlərinə təklif edilib ki, yaxınlıqdakı yola çıxsınlar, silahları yerə qoysunlar və Ukrayna ordusunun əsgərlərini əllərini qaldıraraq gözləsinlər.

Böyük Britaniya və Danimarkanın kredit zəmanəti ilə Ukraynaya 530 milyon dollarlıq maliyyə yardımı paketi veriləcək.

TASS-ın xəbərinə görə, bu barədə Dünya Bankının (DB) məlumatında deyilir.

"Dünya Bankı Ukrayna hökumətinə təcili ehtiyacların ödənilməsinə kömək etmək üçün əlavə 530 milyon dollar elan edib", - açıqlamada qeyd olunur.

Söhbət Böyük Britaniya və Danimarkadan müvafiq olaraq 500 milyon ABŞ dolları və 30 milyon dollar kredit zəmanətindən gedir. Vəsaitlər xüsusilə, “əsas dövlət xidmətlərinin, o cümlədən səhiyyə, təhsil və sosial müdafiənin fəaliyyətinin təmin edilməsinə” yönəldilməlidir.

Dünya Bankı Ukrayna üçün təcili maliyyə yardımı üçün təxminən 13 milyard dollar səfərbər edib.

26 sentyabr tarixində Polşanın paytaxtı Varşava şəhərində "ATƏT-in İnsani Dəyərlərin Qiymətləndirilməsi Konfransı" öz işinə başlayıb.

Avrasiya.net xəbər verir ki, Konfransda ATƏT üzvü olan ölkələrin nümayəndələri – səfirlər, diplomatlar, beynəlxalq təşkilatların rəhbərləri, habelə hüquq müdafiəçiləri və ictimai-siyasi fəallar iştirak edirlər.

Tədbirdə iştirak edən ASGA sədri, 7NEWS.az saytının baş redaktoru Səbuhi Abbasov Azərbaycanda həyata keçirilən media islahatlarəndan danışıb: "İlk öncə qeyd edim ki, son dönəmlər formalaşmış yeni reallıqlar çərçivəsində Azərbaycanda informasiya mühitinin qorunması, əhalinin düzgün və obyektiv informasiya əldə edə bilməsi mediada islahatların aparılmasını daha da surətləndirmişdir. Bununla əlaqədar ötən il Prezident "Azərbaycan Respublikasında media sahəsində islahatların dərinləşdirilməsi haqqında” Fərman imzaladı. Həmin Fərmana əsasən yaradılmış Azərbaycan Respublikasının Medianın İnkişafı Agentliyi Azərbaycan mediasının qlobal informasiya mühitinin müəyyənləşdirdiyi fəaliyyət prinsiplərinə uyğun olaraq modernləşmə, öncül texnologiyaların geniş tətbiqi kimi əhəmiyyətli fəaliyyət istiqamətlərinin özündə birləşdirir. Onu da qeyd edək ki, Agentlik tərəfindən jurnalistlərin sosial rifahının yüksəldilməsi istiqamətində müxtəlif layihələr həyata keçirilib.

Eyni zamanda, media sahəsində gənc kadrların yetişdirilməsi və istedadlı gənclərin bu sahəyə cəlb edilməsi məqsədilə müxtəlif layihələr həyata keçirilir. Bir neçə gün öncə isə Prezident İlham Əliyev imzaladığı Fərmanla "Media Reyestrinin aparılması Qaydaları”nı təsdiqləyib. Bütün bu islahatlar dünyada media ilə bağlı yeni modeli formalaşdıra bilər. Əziz konfrans iştirakçıları, indi isə jurnalistərin təhlükəsizliyi ilə bağlı daha bir həssas məsələyə toxumaq istəyirəm. 30 ildən sonra Azərbaycan öz torpaqlarını erməni işğalından azad etdi. Lakin minalanmış əraziləri həm də jurnalistlərin təhlükəsiz fəaliyyətinə geniş maneələr törədir. Təəssüf hissi ilə qeyd edim ki, 4 iyun 2021-ci il tarixində işğaldan azad edilmiş Kəlbəcərin Susuzluq kəndinə çəkiliş aparmağa gedən jurnalistlər - AzTV-nin operatoru Sirac Abışov və AZƏRTAC-ın əməkdaşı, Məhərrəm İbrahimov xidməti vəzifələrini yerinə yetirərkən şəhid olublar. Bu dəhşətli hadisə qlobal media adına böyük faciədir. Beynəlxalq birlik bu faciəyə görə Ermənistana qarşı tədbir görməli, mina xəritələrin qısa zamanda Azərbaycana verməsini təmin etməlidir. Əks halda belə faciələr qaçılmaz olacaqdır. Diqqətinizə görə təşəkkür edirəm."

Məlumat üçün qeyd edək ki, Səbuhi Abbasov ATƏT-in yüksək səviyyəli konfransında rəhbərlik etdiyi qurumun daxili imkanları hesabına iştirak edir.

“Biz Rusiyanın müharibədə uduzmasını təmin edəcəyik”.

“Report” xəbər verir ki, bunu Böyük Britaniyanın Baş naziri Liz Tras tviterdə yazıb.

O bildirib ki, Rusiya Prezidenti Vladimir Putin Ukrayna ərazilərini ilhaq etməklə beynəlxalq hüququ növbəti dəfə pozub: “Rusiyanın döyüş maşınını sıradan çıxarmaq üçün sanksiyalar tətbiq etmək də daxil olmaqla, əlavə tədbirlər görməkdən çəkinməyəcəyik”.

Xatırladaq ki, sentyabrın 23-27-də Ukraynanın Rusiya işğalı altında olan Donetsk, Luqansk və Zaporojye vilayətlərində “referendum” keçirilib. Vətəndaşlar Rusiyanın tərkibinə daxil olmağa razı olub-olmadıqları barədə suala cavab veriblər. Elan olunan nəticələrə görə “referendum”da iştirak edənlərin böyük əksəriyyəti həmin vilayətlərin Rusiyaya birləşməsini dəstəkləyib.

Rəsmi Kiyev və dünyanın heç bir ölkəsi “referendum”ların nəticəsini tanımayıb.

Sentyabrın 30-da Rusiya Prezidenti Vladimir Putin Zaporojye və Xerson vilayətlərinin "suverenliyi"nin və "müstəqilliyi"nin tanınması haqqında fərman imzalayıb.

Bu gün Kremldə V.Putinin iştirakı ilə həmin ərazilərin Rusiyaya birləşdirilməsi barədə sazişlər imzalanacaq.

İtaliya Silahlı Qüvvələri yüksək döyüş hazırlığı vəziyyətinə gətirilib.

Bu barədə “Deyli Storm” nəşri məlumat yayıb.

“Hələ bu ilin yazında ölkə ordusunun Baş Qərargahının generalı Bruno Pişiotta İtaliya Silahlı Qüvvələrinin hərbi heyətinin real döyüş əməliyyatlarına hazırlanması ilə bağlı əmr imzalayıb. Respublika rəhbərliyi ordudakı dəyərli kadrları Ukrayna ərazisində döyüş əməliyyatları getdiyi müddətdə buraxmamaq barədə göstəriş verib. Eyni zamanda, bütün əməliyyat hissələrinə müntəzəm olaraq həqiqi döyüşə yaxın təlimlər keçirmək əmri verilib”, - məlumatda deyilir.

Birləşmiş Ştatlar Rusiyanın suveren Ukrayna ərazisi ilə bağlı iddialarını heç vaxt qəbul etməyəcək.

Bunu ABŞ Prezidenti Co Bayden deyib.

O, Rusiya-Ukrayna müharibəsində hər zaman Ukraynanın yanında olacaqlarını bildirib.

"Bu qondarma referendum tamamilə saxtadır. Referendumun nəticələri Moskvada hazırlanıb”, - deyə Bayden bildirib.

“Türkiyə daim Azərbaycanın, Liviyanın yanındadır”.

Avrasiya.net xəbər verir ki, bunu Türkiyənin milli müdafiə naziri Hulusi Akar deyib.

O bildirib ki, Türkiyə ordusunun terrorla mübarizəsi uğurla davam edir: “Dayanmaq yoxdur. Dənizdə, havada, quruda mübarizə davam edir”.

H.Akar Türkiyənin bütün qonşularının ərazi bütövlüyünə hörmət etdiyini söyləyib: “Bizim kiminsə torpağında gözümüz yoxdur”.

“Harada terroçu varsa, ora bizim hədəfimizdir. “Pənçə Kilid” əməliyyatı uğurla davam edir. Bütün mağaralar bir-bir təmizlənir. Biz çalışırıq ki, mülki əhaliyə, tarixi abidələrə zərər dəyməsin”, - milli müdafiə naziri vurğulayıb.

Ukrayna Hərbi Hava Qüvvələri İranın Rusiyaya verdiyi pilotsuz uçuş aparatlarını zərərsizləşdirməyin yollarını tapıb.

“Report” “RBK Ukraina”ya istinadən xəbər verir ki, bu barədə Ukraynanın müdafiə naziri Oleksiy Reznikov məlumat verib.

Onun sözlərinə görə, Ukrayna Rusiyanın müharibədə istifadə etdiyi İran PUA-ları ilə mübarizə aparmaq məqsədilə tərəfdaşlara müraciət ünvanlayıb.

Qeyd edək ki, ABŞ və İsrail Ukraynaya İran PUA-larına qarşı mübarizə aparmaq məqsədilə antidronlar verib.

Qeyd edək ki, İran hərbi dronlarının Rusiyaya çatdırılması ilə bağlı xəbərlər bu ilin iyul ayında yayılmışdı. BBC-nin məlumatına əsasən, bura birinci sinfə aid taktiki dronlar, kvadrokopterlər və təyyarələr, ikinci və üçüncü sinfə aid uçuş hündürlüyündən asılı olaraq "uzun uçuş müddətli" kimi təsnif edilən orta və ağır PUA-lar daxildir (MALE UAV və HALE UAV). Rusiyaya verilən “Mohajer-6” PUA-ları təsnifata görə ikinci sinfə aiddir.

Məlumata görə, iranlılar hələ 1990-cı illərin sonlarında onlardan Əfqanıstanda istifadə ediblər. Ümumi adına baxmayaraq, "Şahed-129" və "Şahed-191" çox fərqli PUA-lardır. Onlar Qərb istehsalının prototiplərindən fərqlidir. Belə hesab edilir ki, “Şahed-129” İran mühəndislərinin əlinə keçən İsrailin “Hermes 450” dronu əsasında yaradılıb. “Şahed-191” isə ABŞ-ın “Q-170 Sentinel” dronuna əsaslanır.

Təxminən, on gün əvvəl Ukrayna səmasında İrana məxsus PUA-lar müşahidə olunub və zərərsizlləşdirilib. Bundan sonra Ukrayna İranla münasibətlərini yenidən nəzərdən keçirərək səfiri ölkəsindən qovub, diplomatik korpusun əməkdaşlarının sayını azaldıb.

Hindistan Ermənistana təxminən 250 milyon dollar dəyərində silah və sursat göndərəcək.

Avrasiya.net Axar.az-a istinadən xəbər verir ki, bu barədə “Ekonomik Tayms” məlumat yayıb.

Qeyd olunur ki, sentyabrın əvvəlində iki ölkənin hökumətləri arasında müvafiq müqavilələr imzalanıb. Müqavilələrin dəyəri açıqlanmayıb, lakin məlumata görə, 20 milyard rupidən danışmaq olar ki, bu da dollarla hesablandıqda 244 milyondan çoxdur.

Bildirirlər ki, sifariş yerli istehsal olan “Pinaka” raket sistemlərinin ilk ixracını əhatə edir.

Həmçinin, razılaşmanın bir hissəsi olaraq Hindistan Ermənistana tank əleyhinə raketlər və bir sıra digər hərbi sursatlar da verəcək.

Rusiya istehsalı olan “Mi-17” hərbi helikopterinin havaya qalxan zaman qəzaya uğraması nəticəsində 10-dan çox uqandalı əsgər həlak olub.

Bu barədə “Gazeta.ru” məlumat yayıb.

Məlumata görə, Qəza Konqo Demokratik Respublikasının şərq hissəsində baş verib. Burada Konqo və Uqandanın silahlı qüvvələri Müttəfiq Demokratik Qüvvələrin üsyançılarına qarşı birgə hərbi əməliyyat keçirir.

Hadisənin səbəbləri barədə məlumat yoxdur.