Azərbaycan - Ukrayna aliyansının qərarı ilə
Azərbaycan İncəsənəti sahəsində öz dəsti-xətti olmaqla eyni zamanda vətənpərvərlik və digər mövzularda bəstələnmiş çoxsaylı mahnılar müəllifi, Türk dünyasının tanınmış bəstəkar Sevinc Tofiqqızı
Azərbaycan --Ukrayna alyansının "Qızıl Medalı" ilə təltif edilib.

Azərbaycan --Ukrayna alyansının sədri Elmar Məmmədov bəstəkar Sevinc Tofiqqızına çoxşaxəli yaradıcılıq yollarında uğurlar arzulayıb.

Göstərilən etimada görə bəstəkar Sevin Tofiqqızı
alyansın sədri hörmətli Elmar Məmmədova və alyansın İdarə heyətinə öz təşəkkürünü bildirib.

Azərbaycan Milli Elmlər Akademiyası (AMEA) Mərkəzi Elmi Kitabxanasında (MEK) Xocalı soyqırımının 29-cu ildönümünə həsr edilmiş “Xocalı soyqırımı- XX əsrin faciəsi” mövzusunda tədbir keçirilib.

Öncə Xocalı soyqırımı qurbanlarının və Vətən uğrunda canlarını fəda etmiş bütün şəhidlərimizin əziz xatirəsi bir dəqiqəlik sükutla yad edilib.

Tədbirdə çıxış edən AMEA Mərkəzi Elmi Kitabxanasının direktoru, professor Məmməd Əliyev bildirib ki, erməni-rus hərbi birləşmələri tərəfindən törədilmiş Xocalı soyqırımı XX əsrin ən qanlı hadisələrindəndir. 1992-ci il fevralın 25-dən 26-na keçən gecə Xocalıda törədilən kütləvi qətl hadisəsi, Ermənistanın işğalçılıq siyasətinin nəticəsində dinc azərbaycanlı əhaliyə qarşı törədilmiş cinayətlərin ən dəhşətlisi idi. Direktor xatırladıb ki, həmin gecə Ermənistan silahlı qüvvələri bütün beynəlxalq hüquq normalarını pozaraq, mühasirədəki Xocalı şəhərinin dinc əhalisinin üzərinə ağır hərbi texnika yeridib, onlara misli görünməmiş qəddarlıqla divan tutub, şəhər yerlə-yeksan edilib. Nəticədə 63-ü uşaq, 106-sı qadın, 70-i qoca olmaqla 613 nəfər dinc azərbaycanlı amansızcasına qətlə yetirilib, 1275 nəfər əsir götürülüb.

Qeyd olunub ki, ulu öndər Heydər Əliyevin rəhbərliyi dövründə Xocalı soyqırımının dünyaya tanıdılması istiqamətində ciddi addımlar atılıb. Bu həqiqətlərin bütün dünyaya çatdırılması üçün genişmiqyaslı tədbirlər həyata keçirilib. Bu qanlı faciənin soyqırımı aktı kimi tanınması istiqamətində görülən silsilə tədbirlərin davamı kimi, Heydər Əliyev Fondunun vitse-prezidenti Leyla Əliyevanın təşəbbüsü ilə həyata keçirilən “Xocalıya ədalət” beynəlxalq kampaniyası Xocalı soyqırımının təkcə xalqımıza qarşı deyil, bütövlükdə insanlığa, bəşəriyyətə qarşı yönələn ən ağır cinayətlərdən biri kimi tanıdılması baxımından yüksək qiymətə layiqdir. Hər il dünyanın, Avropanın onlarla ölkəsində Xocalı soyqırımının ildönümlərində tədbirlər, sərgilər keçirilir, filmlər nümayiş olunur. Direktor bildirib ki, aparılan sistemli işin nəticəsi olaraq İslam Əməkdaşlıq Təşkilatı Parlament İttifaqının, eləcə də bir sıra ölkələrin parlamentlərinin müvafiq sənədlərində, ABŞ-ın 20-dən artıq ştatının qanunverici orqanında Xocalıda törədilmiş kütləvi qırğının soyqırımı aktı olduğu təsdiq edilib.

Həmin dövrü tarixi aspektlərdən təhlil edən direktor bu soyqırımın Azərbaycan xalqının müstəqillik qurmaq niyyətinin qarşısını almaq üçün həyata keçirildiyini bildirib.

“Xocalı faciəsi bizim dərdimizdir, qan yaddaşımızdır. Eyni zamanda Azərbaycan xalqının əsrlər boyu keçdiyi mübarizə yolu, milli azadlıq yoludur! Bu gün Azərbaycan xalqı möhtərəm prezidentimiz, Ali Baş Komandan cənab İlham Əliyevin güclü siyasi rəhbərliyi altında daha qətiyyətli, mübariz və yumruq kimi birdir. İkinci Qarabağ müharibəsi zamanı qısa müddətdə qazandığımız qələbə, ölkəmizin ərazi bütövlüyünün bərpası bunun bariz sübutudur”- deyə direktor Məmməd Əliyev bildirib.

Tədbirdə iştirak edən Xocalı sakini, hazırda Qobustan rayonunda məskunlaşmış, həmin soyqırımı zamanı ailə üzvlərindən atasını, qardaşını itirmiş, o gün ailəlikcə əsir düşmüş və sonradan erməni əsir və meyitləri ilə dəyişdirilmiş Mürvət Məmmədov yaşadığı dəhşətdən danışıb. Yaddaşından heç vaxt silinməyəcək o hadisələri xatırlayan Mürvət Məmmədov hələ 14 yaşında ikən ikinci dəfə köçkün həyatı yaşamasını, 8 nəfərlik ailəsinin parçalanmasını, əsir düşdüyü zaman, düşmənlərin çörək əvəzinə, onlara torpaq yedizdirdiyini, iki qardaşının və atasının nə olüsündən, nə dirisindən 15 il xəbər tutmamasını danışdı.

28 ildən sonra Xocalı şəhidlərinin nigaran ruhlarının dinclik tapdığını vurğalayan Mürvət Məmmədov dedi: “Mən həmişə Xocalı faciəsinin dünyada tanıdılması istiqamətində dövlətin apardığı siyasətə, həmçinin Leyla xanım Əliyevanın “Xocalıya ədalət” kampaniyasına görə minnətdarlıq hiss etmişəm. Ali Baş Komandanımız İlham Əliyevə o qədər minnətdaram ki, bizim arzumuzu gözümüzdə qoymadı, Qarabağın azad edilməsi günlərini də yaşatdı bizlərə!”

Daha sonra AMEA Mərkəzi Elmi Kitabxanın rəhbərliyi tərəfindən qonağa kitabxanadan istifadə üçün abunəlik kartı və qiymətli kitab təqdim olunub.

Tədbirdə həmin dəhşətli soyqırıma həsr olunmuş sənədli film nümayiş olunub, faciəni əks etdirən foto və kitablardan ibarət sərgiyə baxış keçirilib.

Əməkdar artist Zöhrə Abdullayevanın səhhətində problem yaranıb.

Avrasiya.net Axşam-az-a istinadən xəbər verir ki, ayaqları ağrıyan müğənni neçə gündür xəstəxanaya yerləşdirilib.

Bu haqda danışan ifaçı revmatizmdən əziyyət çəkdiyini bildirib:

“Bu gün səhər xəstəxanadan çıxdım, indi yaxşıyam. Səhv müalicələrlə məni qara günə qoydular. Professor Sahib Musayev məni xilas edib. Revmatizmdən sümüklərim ağrıyırdı. Həm də balamı istəyirəm".

Aparıcı Zaur kamal isə "Həmin Zaur" proqramında Z.Abdullayeva haqda "Deyir, xəstəyəm, ayaqlarım tutulub. Əlil arabasında aparıb gətirirlər" sözlərini söyləyib.

Qeyd edək ki, müğənni bir neçə il əvvəl oğlunu itirib.

Azərbaycan Televiziyasında yeni layihə start götürür.
“Azərbaycan Televiziya və Radio Verilişləri” Qapalı Səhmdar Cəmiyyətinin Sosial media və ictimaiyyətlə əlaqələr şöbəsindən verilən məlumata görə, “Qətl planı” adlı yeni televiziya layihəsi bədii-sənədli filmlər silsiləsindən ibarətdir.

Çəkiləcək bədii-sənədli filmlərin qəhrəmanları faciəvi ölümü ilə tarixə düşmüş ictimai-siyasi, mədəniyyət və elm xadimləri olacaq.

Filmlər sözügedən şəxsiyyətlərin ölüm səhnələri ilə başlayacaq və sanki onların həyatının sonundan əvvəlinə doğru ekskurs ediləcək.

Bəzi şəxsiyyətlərin müəmmalı ölümü tarixi detektiv üslubda araşdırılacaq və müxtəlif fərziyyələr irəli sürüləcək.

Filmlərdə həm orta əsrlərdə, həm də 19, 20-ci əsrlərdə yaşamış və bu kontekstə uyğun şəxsiyyətlərin obrazları canlandırılacaq.

Bundan başqa, “Qətl planı”nda tamaşaçılar qətlə yetirilmiş Cümhuriyyət xadimləri, repressiya qurbanları və müasir dövrdə faciəvi şəkildə dünyadan köçən ziyalılar, alimlər, ictimai-siyasi xadimlər barədə ətraflı məlumatlar əldə edəcəklər.

Ssenari müəllifi İlqar Fəhmi, quruluşçu rejissoru Ramil Ağasiyev olan yeni televiziya layihəsinin quruluşçu operatoru Fahir Səmədoğludur.

“Qətl Planı” fevralın 25-i 21:30-da AzTV-də yayımlanacaq.

TRT Türkiyə və Azərbaycan Televiziyasının birgə
“Qarabağ haqqında sənədli film” layihəsi hazırlanır

TRT Türkiyə Radio-Televiziya Qurumu ilə Azərbaycan Televiziyasının birgə “Qarabağ haqqında sənədli film” layihəsi hazırlanır. Bir çox məhşur serial və kinolarda rol alan: Kuruluş Osmanda – Demirci Davut, Kurtlar Vadisi Pusuda-Karaca Ahmet, Acı Hayatda – Hasan, Sırlar Dünyasında – Vahit-Hasan, Deli Yürekde – Sabri obrazlarını canlandırmış Ahmet Yenilmez (@ahmetyenilmezofficial) komandası ilə birgə (@ysmsanat) Azərbaycana dəvət olunub. Azərbaycana gəlişi ilə ilk olaraq Fəxri Xiyabanı ziyarət edən Ahmet Yenilməz Türkiyə-Azərbaycan birliyinin dünyada və regionda böyük əhəmiyyətə malik olmasını, Vətənimizə heyran qalmasını bildirib. Ahmet Yenilməzin oğlu – Burak Alp Yenilməz də (@burakalpyenilmez) layihədə rejissor fəaliyyətini yerinə yetirəcək.
Qonaqlar ilə Hanlı Pazarda görüşən Iğdırlı iş adamı, Türkiyənin aparıcı şirkətlərindən olan “Okuklu İnşaat”-ın, Okuklu Holdingin prezidenti Yılmaz Okuklu (@yokuklu) bu işdə onlara lazım olacaq hər bir dəstəyi əsirgəməyəcəyini bildirdi. Görüşdə Okuklu Holdingin siması – müğənni Natavan Həbibi (@natavanhebibi) də iştirak edib.

“İki dövlət, bir millət!” deyərək Qarabağ zəfəri ilə bağlı layihədə bir araya gələn komanda iş haqqında bu fikirləri bölüşdü: Layihənin əsas məqsədi 30 il içərisində Qarabağda nələrin dəyişdiyini göstərmək, işğaldan zərər görmüş, Vətənini və doğmalarını itirmiş şəxslərin zəfər sonrası xoşbəxtliyini, gələcək planlarını və geri dönüş xəyallarını açıqlamaqdır. Bakıda artıq ilk reportajın olduğunu bildirən komandanın növbəti çəkilişləri Gəncə, Kəlbəcərdə baş tutacaq. Çəkilişlər bitdikdən sonra Türkiyəyə dönərək montaj işlərinə başlanılacaq.

Tanınmış stilist Balaş vəfat edib.

Avrasiya.net Mediapost-a istinadən xəbər verir ki, onun xəstəlik səbəbindən dünyasını dəyişdiyi bildirilir.

Qeyd edək ki, stilist müğənni Xatun Əliyevanın qardaşı idi.

Xalq artisti Yalçın Rzazadə vəfat edib.

Avrasiya.net xəbər verir ki, sosial şəbəkələrdə yayılan məlumata görə, bu barədə mərhumun oğlu Orxan Rzazadə bildirib.

O, atasının uzun sürən xəstəlikdən sonra bu gün axşam saatlarında vəfat etdiyini deyib.

Y.Rzazadə sabah dəfn ediləcək. Onun harada dəfn ediləcəyi dəqiqləşdirilməyib.

Tanınmış meyxanaçılar Rüfət Nasosnu, Orxan Lökbatanlı və Mehman Əhmədli məsuliyyətə cəlb ediliblər.

Avrasiya.net-in məlumatına görə, Sumqayıt şəhət Polis İdarəsi əməkdaşlarının keçiridyi əməliyyat zamanı həmin şəxslər karantin qaydalarını pozduğu aşakar olunub.

Qeyd olunan şəxslər hüquq-mühafizə orqanaları tərəfindən inzibati xətalar məcəlləsinin 211-ci maddəsinə əsasən hər bir 400 azn məbləğində cərimə ediliblər.

Xalq artisti Əlibaba Məmmədova ağır itki üz verib.

Avrasiya.net Axşam.az-a istinadən xəbər verir ki, xanəndənin qızı vəfat edib.

Əlibaba Məmmədov açıqlamasında xəbəri təsdiqləyib:

“Bəli, doğrudur. Böyük qızım 1 aydan çoxdur ki, rəhmətə gedib. Həkim çalışırdı, onların işi çox idi. Amma koronavirusdan rəhmətə getməsi barədə deyilənlər yalandır. Atalar övlad çiynində o biri dünyaya yola salınar, amma məndə əksinə oldu.

Qızımın 70 yaşı var idi. Dünyaya gələn bir gün getməlidir də. Kim qalacaq ki? Mənim də 92 yaşım var, bu gündən mənim üçün də olacaq. Başsağlığınıza görə təşəkkür edirəm. Allah sizləri, əzizlərinizi qorusun”.

Misirin "Nil Mədəniyyət" dövlət telekanalında dahi Azərbaycan şairi və mütəfəkkiri Nizami Gəncəviyə həsr olunmuş geniş veriliş yayımlanıb.

Avrasiya.net xəbər verir ki, tamaşaçıların böyük marağına səbəb olmuş verilişin qonağı "Vətənpərvər" Misirdə Azərbaycan Diaspor Təşkilatları Birliyinin sədri, tədqiqatçı-alim Seymur Nəsirov olub.

Tədqiqatçı-alim qədim ərəb mənbələrinə istinadla Azərbaycanın elm və ədəbiyyat diyarı olmasından bəhs edib. IX əsr böyük ərəb alimi ədəbiyyatşünas Abdullah bin Muslim İbn Quteybə "Şeir və Şairlər" kitabında Əbu Yəqəzan Cuveyriyyədən nəql edərək yazır: "Mədinə şəhərində yaşayan məvalilərdən (İslam dinini qəbul etmiş qeyri-ərəblər) olan bütün şairlərin əsli azərbaycanlıdır".

XI əsr ərəb alimi Əbu Tahir Əs-Siləfi Azərbaycan ilə Əndəlüs arasında müqayisə apararaq, şərqdə Azərbaycanın, qərbdə isə Əndəlüsün (İspanya) elm və ədəbiyyatda xüsusi rolunu qeyd etmişdir.

XIII əsr ərəb alimi İmam Cəzəri isə Azərbaycanın Mərənd şəhərindən söz açaraq demişdir: "Azərbaycan elmin hər bir sahəsində dahi alimlər yetişdirmişdir". Digər orta əsr ərəb mütəfəkkiri İmam Səməani isə "Əl-Ənsab" (Nəsəblər) əsərində yazmışdır: "Azərbaycan qədimdən ta bu günə qədər alimlər yetişdirən bir diyardır".

Nizami Gəncəvinin əsərləri isə Şərq poeziyasının və fəlsəfi fikrinin incisi sayılır. Dahi şairin dünyaya göz açdığı Gəncə şəhəri haqqında da ərəb mənbələrində bir çox maraqlı faktlar mövcuddur. Həmin mənbələrdə Gəncəyə mənsub olan alimlərdən bir neçəsinin adı qeyd edilir. Bunlardan İbrahim ibn Məhəmməd əl-Cənzi, Abu Hafs Ömər ibn Osman ibn Şueyb əl-Cənzini misal göstərmək olar. Alimin "Taudihu əl-Muştəbəh" (Şübhələrin aydınlaşdırılması) kitabında qeyd olunub: "əl-Cənzi, Cənzəyə mənsubdur, o, elə Gəncədir". XIII-XIV əsrlərdə yaşamış coğrafiyaşünas alim əl-Qəzvini "Əsar ül-biləd və əxbər ül-ibəd" əsərində Nizaminin "Xosrov və Şirin", "Leyli və Məcnun", "Sirlər xəzinəsi" və "Yeddi gözəl" kimi əsərlərinin olduğunu, "Xosrov və Şirin" əsərində dini nəsihətlərdən, hikmətli kəlamlardan, atalar sözləri və gözəl hekayələrdən çox istifadə edildiyini yazır. O, bu əsərin səlcuqilər şahı Toğrul Arslan oğlu üçün yazıldığı və Sultanın da şeir və şairlərə diqqət yetirdiyi üçün Nizamiyə böyük hörmət qazandırdığını, insanlar arasında nüsxələri yayılaraq onu məşhurlaşdırdığını bildirir. "Leyli və Məcnun" əsərinin isə Şirvan şahının istəyi ilə onun üçün yazıldığını və bu əsərin analoqu olmadığını vurğulayır. XVII əsrdə yaşamış böyük alim Hacı Xəlifə öz "Kəşf əz-Zunun" (Şübhələri üzə çıxarmaq) əsərində "Xəmsə" (beşlik) adı ilə məşhur olanların adlarını çəkərkən deyir: "Onlardan biri də Şeyx Cəmaluddin İlyas ibn Yusuf bin Muəyyid Nizami əl-Kəncəvidir". (Ərəb dilində "G" hərfi olmadığından, onu ya c ilə, ya da k ilə ifadə edirlər). Həmçinin XX əsrin ortalarında yaşamış alim Əbdunnəim Həsəneyn "Nizami Gəncəvi" adlı əsərində Azərbaycanın Gəncə şəhərində yaşamış Nizami Gəncəvinin sonradan şahlara və hakimlərə mədhiyyələr yazdıqdan sonra dövrünün haqsızlığı və ədalətsizliyi ilə əlaqədar onlardan uzaqda, daha çox tənhalığa üstünlük verdiyini qeyd edir. O, şairin əsərlərinin ana xəttinin hər zaman yaxşı, xeyirxah əməllərə, gözəl əxlaqa, ədalətə çağırış olduğunu, həmçinin zülmdən şikayət edildiyini qeyd edir. Müəllif böyük ehtimalla şairin hicri tarixi ilə 539-cu (1143) ildə doğulub və 608-ci (1210) ildə vəfat etdiyini yazır.

S.Nəsirov misirli tamaşaçıların diqqətinə çatdırıb ki, Nizaminin "İsgəndərnamə" əsərində Misirin adı çəkilir, həmçinin Azərbaycanın xalq qəhrəmanı Koroğlunun da qılıncı "Misri" adlanır. Dahi şairin əsərlərini farsca yazmasına gəldikdə isə, tədqiqatçı-alim vurğulayıb ki, bu, həmin dövrdə ədəbi mühitdə ərəb və fars dillərinin hakim olması ilə əlaqədar idi.

Verilişdə dahi şairin humanizm ideyaları əsasında dünyada sülhün və tolerantlığın təbliği məqsədilə 2012-ci ildə təsis edilmiş Beynəlxalq Nizami Gəncəvi Mərkəzinin fəaliyyəti haqqında da məlumat verilib. Diqqətə çatdırılıb ki, 2017-ci ildə Misir Prezidenti Əbdülfəttah əl-Sisi bölgədə və ərəb dünyasında terrorla mübarizədəki roluna görə Nizami Gəncəvi Beynəlxalq Mərkəzinin mükafatı ilə təltif olunub.

Telekanalın efirində Azərbaycanın müasir həyatı, tarixi və mədəni irsi, xalçaçılıq və ipəkçilik sənətindən bəhs edən süjetlər, həmçinin bu yaxınlarda Qahirədə Nizami Gəncəviyə həsr olunmuş konfransdan sonra ölkəmizin Misirdəki səfiri Tural Rzayevin yerli telekanallara müsahibəsi də yayımlanıb.

Qeyd edək ki, veriliş bir saatdan çox davam edib.

Veriliş barədə daha ətraflı aşağıdakı linkdə tanış ola bilərsiniz.