Ermənistan Türkiyəyə xilasedicilər GÖNDƏRİRErmənistan Türkiyə və Suriyaya xilasedicilər göndərəcək.

Bu barədə Ermənistan Xarici İşlər Nazirliyinin (XİN) sözçüsü Vahan Hunanyan məlumat verib.

Onun sözlərinə görə, xilasedicilərin göndərilməsinə Ermənistan Baş naziri Nikol Paşinyan qərar verib.

XİN rəsmisi bildirib ki, xilasetmə qrupları zəlzələdən zərər çəkmiş bölgələrdə axtarış-xilasetmə əməliyyatlarına dəstək verəcək.
4 tələbəmiz hələ də tapılmayıb - SƏFİRMalatyada təhsil alan dörd tələbəmiz dağılmış binanın altında qalıb.

Avrasiya.net xəbər verir ki, bunu Azərbaycanın Türkiyədəki səfiri Rəşad Məmmədov bildirib.

"Onların axtarışı davam etdirilir. Təəssüf ki, tələbələrlə bağlı hələlik məlumat yoxdur. Bundan başqa xəstəxanalarla da əlaqə saxlayırıq, onların arasında azərbaycanlı yoxdur", - deyə səfir vurğulayıb.

Qeyd edək ki, Türkiyənin Malatya şəhərində baş vermiş zəlzələ nəticəsində 4 azərbaycanlı tələbə - Samir Quliyev, Şahin Verdiyev, Hümam İsmayıllı və Gündüz Nəzərzadə dağıntılar altında qalıb. Onlar Malatyada yerləşən İnönü Universitetinin tələbələridir.
Türkiyədə deputat zəlzələ nəticəsində həyatını itirdiTürkiyə Böyük Millət Məclisinin Adıyamandan seçilən hakim Ədalət və İnkişaf Partiyasının deputatı Yakup Taş zəlzələ nəticəsində həlak olub.

Türkiyənin "Haber7" portalı xəbər verir ki, onun cansız bədəni dağıntıların altından tapılıb.

Məlumata görə, onun ailə üzvləri də dağıntıların altında qalıb. Onların taleyi ilə bağlı hələlik məlumat yoxdur.

Qeyd edək ki, Y.Taş 1959-cu ildə anadan olub. Evlidir, 6 övladı var.
Türkiyədə fövqəladə vəziyyət rejimi elan olunduTürkiyədə fövqəladə vəziyyət rejimi elan olunub.

Avrasiya.net xəbər verir ki, bunu Türkiyə Prezidenti Rəcəb Tayyib Ərdoğan deyib.

Ərdoğan bildirib ki, fövqəladə vəziyyət rejimi 3 ay müddətində 10 vilayətdə qüvvədə olacaq.

Türkiyə lideri eyni zamanda vurğulayıb ki, axtarış-xilasetmə tədbirləri sürətlə davam edir.

Rus general Ukraynada öldürüldüRusiya Hava Desant Qoşunlarının genaral-mayoru Dmitri Ulyanov Donbasda öldürülüb.

Axar.az xəbər verir ki, bu barədə gürcü analitik İrakli Komaxidze məlumat yayıb.

Rus generalın Tatarıstandan səfərbər olunanlardan ibarət bir alayın komandiri olduğu bildirilib. Buna qədər Ulyanov Hava Desant Qoşunlarının 7-ci diviziyasının qərargah rəisi, 1141-ci artilleriya alayının və 98-ci diviziyanın komandiri vəzifələrində çalışıb.
Rusiyada azərbaycanlı avtoritetlər saxlanıldıRusiyada hüquq-mühafizə orqanlarının əməkdaşları azərbaycanlı kriminal avtoritetlərin toplantısının keçirildiyi məkana basqın edib.

Avrasiya.net Bakupost.az-a istinadən xəbər verir ki, Moskva yaxınlığındakı Mıtışidə keçirilən xüsusi əməliyyat nəticəsində 50-yə yaxın adam saxlanılıb.

İlkin məlumatlara görə, fevralın 6-da günorta saatlarında 1-ci Proletarskaya küçəsində yerləşən “Qranada” restoranında, əsasən, Azərbaycandan olan avtoritetlər hansısa məsələni ayırd etmək üçün toplaşıblar.

Saat 16:00-ya yaxın Rusiya Qvardiyası və polis məxsus maşınlar əraziyə gəlib və restoran mühasirəyə alınıb.

Hadisə şahidlərinin sözlərinə görə, restorana gələn avtoritetlərin bəziləri qaçmağa çalışsalar da, saxlanılıblar. "Baza"nın məlumatına görə, ümumilikdə 48 azərbaycanlı saxlanılıb. Saxlanılanlar arasında 2 Dağıstan, 1 Ermənistan və 1 Tacikistan sakini də var. Onların telefonları, həmçinin 5 travmatik tapança və 1 ədəd “Sayqa” karabini müsadirə edilib.

Əməliyyatda 100-ə yaxın təhlükəsizlik işçisi iştirak edib.
Saakaşvili: Mənə ölüm hökmü verdilər!Mən faktiki olaraq ölüm hökmü almışam və ölümcül xəstəliklərlə həbsdə qalacağam.

Avrasiya.net xəbər verir ki, bu barədə Gürcüstanın həbsdə olan eks-prezidenti Mixail Saakaşvili deyib.

O, barəsində iki aya yaxın davam edən məhkəmə prosesini tamamən zarafat adlandırıb.

Qeyd edək ki, ötən gün Tiflisdə baş tutan məhkəmə prosesində Saakaşvilinin vəkillərinin vəsatəti təmin edilməyib.
60 minlik ilçənin yarısı yox oldu - Bələdiyyə sədri60.000 əhalisi olan ilçənin yarısı yox olub.

Avrasiya.net xəbər verir ki, bu sözləri Qaziantepin bələdiyyə sədri Fatma Şahin deyib.

“1 milyon insan evlərinə gedə bilmir. Məscidlər, idman zalları, ictimai-sosial binalar və hər yer açıqdır. Təbii qaz kəsildiyi üçün çörək belə hazırlamaq olmur. Təcili çörək və adyal ehtiyacımız var”, - deyə F.Şahin bildirib.