Bu vasitələr gömrük rüsumundan AZAD EDİLƏCƏKMilli Məclisin bu gün keçirilən iclasında “Gömrük tarifi haqqında” qanuna dəyişiklik edilib.

Avrasiya.net xəbər verir ki, dəyişikliklə təhsil fəaliyyəti ilə bağlı bir sıra vasitələr gömrük rüsumundan azad edilir.

Layihədə təhsil fəaliyyəti ilə bağlı idxal edilən bir sıra avadanlıqların, cihazların, qurğuların və digər vasitələrin gömrük rüsumundan azad edilməsi nəzərdə tutulub.

Gömrük rüsumlarından azad edilən avadanlığın, cihazların, qurğuların və təhsil fəaliyyəti ilə bağlı olan digər vasitələrin siyahısı müvafiq dövlət orqanı tərəfindən təsdiq ediləcək. Qanuna təklif olunan dəyişikliklər 2023-cü il yanvarın 1-də qüvvəyə minəcək və 2 il ərzində tətbiq olunacaq.

Dəyişikliklər ümumi təhsil müəssisələrinin maddi-texniki bazasının gücləndirilməsinə, bu müəssisələrdə təhsil alanların daha keyfiyyətli praktiki biliklər əldə etməsinə, bütövlükdə təhsilin mühüm pilləsi olan ümumi təhsilin keyfiyyətinin yüksəlməsinə xidmət edir.

Məsələ səsverməyə çıxarılaraq I oxunuşda qəbul olunub.
Komitə sədri neftçiləri təbrik edibSadiq Qurbanov
Milli Məclisin Təbii ehtiyatlar, energetika və ekologiya komitəsinin sədri


Əziz neftçilər!

Sizi Neftçilər Günü münasibətilə səmimi-qəlbdən təbrik edirəm.

20 Sentyabr çağdaş Azərbaycan tarixində müstəsna əhəmiyyəti olan tarixi bir gündür. 1994-cü ilin 20 sentyabrında imzalanan “Əsrin müqaviləsi” nəinki ölkə iqtisadiyyatını tənəzzüldən xilas edərək, sıçrayışlı inkişafında müstəsna rol oynadı, eyni zamanda bir dövlət kimi varlığını qoruyub saxlamasında, təhlükəsizliyinin təmin edilməsində, geosiyasi, geoiqtisadi proseslərdə aktiv iştirak etməsində Azərbaycanın yeri və rolunu müəyyən etdi. 20 sentyabr eyni zamanda Azərbaycanın müstəqilliyinə olan təhlükələrin və müstəqilliyimizin geridönməzliyini müəyyən edən gün kimi də xarakterizə edə bilərik. Bu müqavilənin imzalanmasından sonra dövlət müstəqilliyimizə təhdidlər aradan qalxdı.

Bu tarix həm də Azərbaycanın özünün və dünyanın, xüsusən də Avropanın enerji təhlükəsizliyinin, həmçinin təmin olunmasında, enerji, kommunikasiya, logistika mərkəzinə çevrilməsinin bünövrəsi qoyulduğu gündür. Bu ancaq və ancaq uzaqgörən, müdrik siyasətçi, dahi lider Heydər Əliyevin iradəsi nəticəsində mümkün olub.
O dövrü xatırlasaq görərik ki, “Əsrin müqaviləsi” çox mürəkkəb geosiaysi bir zamanda imzalanıb. Dahi liderin siyasi iradəsi nəticəsində imzalan bu sənəddən sonra Azərbaycan dövlətçiliyinə olan təhdidlər aradan qalxmağa, siyasi, iqtisadi sabitlik yaranmağa başladı və ölkəmiz geridönməz xarakter alan bir inkişaf mərhələsinə qədəm qoydu. Belə demək mümkünsə bu günkü inkişaf dövrünün bünövrəsi həmin gün qoyuldu.

Bünövrəsi Ulu öndər Heydər Əliyev tərəfindən qoyulan neft strategiyası onun layiqli davamçısı cənab Prezident İlham Əliyev tərəfindən uğurla davam etdirilir. Bu siyasət çağdaş dövrün tələb və şərtlərinə uyğun şəkildə yeni formada icra olunur. Bu gün Azərbaycan nefti dünya bazarına 3 kəmər vasitəsilə birbaşa çıxarılır. Eyni zamanda Azərbaycan qazı Cənub Qaz Dəhlizi vasitəsilə artıq Avropaya qədər uzanır.

28 ildə bu sahədə böyük işlər görülüb, Azərbaycan dünyada enerji ölkəsi kimi əhəmiyyətli bir ölkəyə çevrilib. Bu sahənin inkişafında çalışan mühəndislər, geoloqlar, neftçilər və başqa mütəxəssislər təbii sərvətilərimizin vətən, xalq naminə istifadə edilməsi üçün böyük işlər görmüş, fədakarcasına çalışmış və xalqımızın tarixinə şanlı səhifələr yazmışlar. Cənab Prezident İlham Əliyev neftdən gələn gəlirləri xalqın sosial rifah halında yaşamasını təmin edilməsi üçün qeyri neft sektoruna yönəldib, ölkənin davamalı iqtisadi inkişafını təmin edilməsi istiqamətinə yönəltməklə yanaşı, digər enerji növü olan qaz faktorundan çox məharətlə istifadə etdi.

Prezident İlham Əliyevin həyata keçirdiyi uğurlu enerji siaysəti nəticəsində Azərbaycan bölgədə müxtəlif transmilli enerji, iqtisadi, logistika, kommunikasiya layihələrinin təşəbbüsçüsü olmaqla, Azərbaycan həmin layihələrin icrasında aktiv iştirakçı oldu. “Əsrin müqaviləsi” imzalanması ilə işə düşən “Azəri-Çıraq-Günəşli” yatağından sonra davamalı olaraq digər transmilli layihələr icrasına başlanıldı.

Bakı-Tiflis-Ceyhan, Baki-Tiflis-Ərzurum qaz kəməri, TAP, TANAP, Cənub Beynəlxalq Qaz Dəhlizi, Bakı-Tiflis-Qars dəmiryolu, “Şimal-Cənub” Beynəlxalq Nəqliyyat Dəhlisi, “Qərb-Şərq” tarixi İpək yolunun bərpası və sair kimi Azərbaycanın beynəlxalq aləmdə mövqeyinin möhkəmlənərək, nüfuzunun artmasına, xalqın rifah halında yaşamasına, gözlənilən təhlükələri aradan qaldırılmasına xidmət edən çoxsaylı layihələr icra olundu və olunmaqdadır.

Nəzərinizə çatdırmaq istərdim ki, "Azəri”, "Çıraq” və "Günəşli” yatağının dərinsulu yatağının işlənməsi üzrə müqavilə 1994-cü il sentyabrın 20-də imzalanıb və həmin il dekabrın 12-də qüvvəyə minib və bu müqavilənin müddəti 2024-cü ildə başa çatmalı idi. Lakin 2017-ci il sentyabrın 14-də Bakıda AÇG blokunun işlənməsi üzrə 2050-ci ilə qədər hesablanmış yeni müqavilə imzalanıb. Yeni müqaviləni Britaniyanın BP (layihə operatoru) 30,37%, SOCAR (25%), Macarıstanın MOL (9,57%), Amerikanın ExxonMobil (6,79%), Hindistanın ONGC (2,31%), Yaponiyanın Inpex Corp. (9,31%) və ITOCHU Oil (3,65%), Norwegian Equinor (7,27%), Türkiyənin TPAO (5,73%) şirkətləri imzalayıb.

Yeni saziş çərçivəsində investisiyalar 2050-ci ilə qədər olan dövr üçün 43 milyard dollar həcmində qiymətləndirilir. Blokdan 500 milyon tondan çoxneftin hasil ediləcəyi planlaşdırılır.

Prezident İlham Əliyevin enerji layihələrindən əldə olunan gəlirlərin imkanlarından istifadə etməklə dövlətimizin etibarlı formada inkişafını təmin edəcək qlobal çağrışlara çevik reaksiya, yürütdüyü siyasət nəticəsində Azərbaycan təkcə enerji qovşağına deyil, eyni zamanda nəqliyyat, transit yükdaşıma, kommunikasiya, logistika mərkəzinə çevrilib və bu istiqamətdə işlər uğurla davam etməkdədir. Bu layihələrin icrası Azərbaycanın gücünə və qüdrətinə əlavə güc qatmaqda, dünyadakı mövqeyinin möhkəmlənməsinə ölkə iqtisadiyyatının inkişafına öz töhfəsini verməkdədir. Xüsusi qeyd etməliyik ki, 44 günlük “Vətən müharibəsi”ndəki şanlı qələbəmizin təmin olunmasında “Əsrin müqaviləsi”nin xüsusi yeri var.

Müasir Azərbaycan dövlətçiliyinin inkişafında mühüm rol oynayan bu günün tarixi əhəmiyyətini nəzərə alan Ulu öndər Heydər Əliyevin 20 sentyabrı neftçilər günü kimi qeyd olunması barədə fərman imzalayıb.

Əziz neftçilər! Sizi və xalqımızı bir daha 20 Sentyabr - Neftçilər Günü münasibətilə səmimi-qəlbdən təbrik edir, sizə uzun, sağlam və mənalı həyat arzu edirəm!
İki ölkə arasında Anlaşma Memorandumu imzalanıb16 sentyabr 2022-ci il tarixində Azərbaycan Respublikasının Auditorlar Palatası və Hindistanın İmtiyazlı Mühasiblər İnstitutu (ICAI) arasında Anlaşma Memorandumu imzalanıb. İmzalama mərasimində Hindistanın Azərbaycandakı Səfirliyinin müvəqqəti işlər vəkili Vinay Kumar da iştirak edib.

Anlaşma Memorandumu Azərbaycan Respublikası Auditorlar Palatası və Azərbaycan Respublikasının Rəqəmsal İnkişaf və Nəqliyyat Nazirliyinin birgə təşkilatçılığı ilə keçirilən “Rəqəmsal İqtisadiyyatda Hesabatlılıq və Şəffaflıq” beynəlxalq elmi-praktik konfransı zamanı imzalanıb.

Konfransda Beynəlxalq Mühasiblər Federasiyası (IFAC), İmtiyazlı Sertifikatlaşdırılmış Mühasiblər Assosiasiyası (ACCA), Avropa Mühasiblər və Auditorlar Federasiyası (EFAA) kimi əsas beynəlxalq qurumları, eləcə də 8 ölkəni – Azərbaycan, Türkiyə, Rusiya, Hindistan, Gürcüstan, Belarus, Belçika və Moldovanı təmsil edən 100-dən çox nümayəndə iştirak edib.

Azərbaycanın statistik məlumatlarına əsasən, 2022-ci ilin yanvar-avqust ayları ərzində Hindistan və Azərbaycan arasında ikitərəfli ticarət ötən ilin müvafiq dövrü ilə müqayisədə 159,5% artaraq 1,528 milyard ABŞ dollarına çatıb. Azərbaycanın Hindistana ixracı qeyd olunan dövrdə 181,6% artaraq 1 milyard 378 milyon ABŞ dolları səviyyəsində qərarlaşıb. Bu dövrdə Hindistan İtaliya və Türkiyədən sonra Azərbaycanın üçüncü ən böyük ixrac tərəfdaşı olub.
Rusiya nefti Avropaya gizli yolla belə daşınırRusiya gəmilərinin Avropa Birliyi limanlarına girişi qadağan edildikdən sonra Rusiya tankerləri hələ də neft məhsullarını AB ölkələrinin bayraqları altında üzən gəmilərə yükləyərək ixrac edirlər.

Avrasiya.net xəbər verir ki, bu barədə “Azadlıq Radiosu Sxems” layihəsinin araşdırmasında bildirilib.

Jurnalistlər “Marine Traffic” və “Equasis” gəmilərinin monitorinqi sistemlərindən istifadə etməklə Rusiya tankerlərinin Qara dənizdəki marşrutlarını təhlil ediblər.

Jurnalistlərin bildirdiyinə görə, daşıma Qara dənizdə Rumıniya yaxınlığında aparılır. Xüsusilə, iki sxem aşkar edilib:

“Birincisi, Rusiya tankerlərinin dolu olması və Rusiya limanlarını tərk etməsi, Rumıniya yaxınlığında Qara dənizdə dayanması və orada neft məhsullarını digər ölkələrin, o cümlədən AB limanlarına çatdıran Avropa ölkələrinin bayraqları altında üzən gəmilərə yenidən yüklənməsi;

İkinci sxem Liberiya bayrağı altında böyük tutumlu “New Legend” tankerini əhatə edir. Beşinci aydır ki, Konstansa (Rumıniya) yaxınlığındakı dənizdə toxunulmaz şəkildə dayanır. İyun ayından Rusiya tankerləri onu müntəzəm olaraq doldurur. Tanker isə öz növbəsində neft və ya neft məhsullarını başqa gəmiyə yükləyir. Və artıq bu gəmi ya Avropa limanına girib yükü boşaltdr, ya da “estafeti” davam etdirir və bu zəncirdəki dördüncü gəmi kimi AB ölkəsinin limanına daxil olur”.

Jurnalistlər iddia edirlər ki, sxemlərdə iştirak edən Rusiya tankerləri biznesmen Vladimir Lisinin Volqa Dənizçilik şirkətidir. O, 2022-ci ildə Rusiyanın “Forbes” jurnalına görə Rusiyanın ən varlı adamları reytinqinə başçılıq edib.
"Azərbaycanın təbii qaz ehtiyatlarına tələbat durmadan artır"Hazırda dünyada yeni innovasiyaların tətbiqi dairəsinin genişlənməsi enerjiyə olan tələbatı da artırır və hər il dünya energetika təsərrüfatında enerjiyə olan tələb daha da çoxalır. Azərbaycan hökuməti ötən əsrin sonlarından başlayaraq enerji təsərrüfatının inkişafı ilə bağlı məqsədyönlü proqramlar həyata keçirməklə, respublikamızın enerji güclərinin bir neçə dəfə artmasına nail olub. Ölkəmiz Avropanın enerji təhlükəsizliyini təmin edən ən etibarlı tərəfdaşlardan biri olaraq dünyanın enerji təhlükəsizliyi məsələlərinin həllində aparıcı mövqe tutur. Ölkə Prezidentinin də qeyd etdiyi kimi, bu gün Azərbaycan öz enerji təhlükəsizliyini 100 faiz təmin edir və bir çox digər ölkələrin, o cümlədən, Avropa İttifaqının üzvlərinin də enerji təhlükəsizliyində danılmaz rola malikdir.»
Bu fikirləri Milli Məclisin deputatı Kamran Bayramov mətbuata açıqlamasında bildirib.

K.Bayramov qeyd edib ki, Azərbaycan Respublikası 1991-ci ildə dövlət müstəqilliyini bərpa etdikdən sonra iqtisadi sahədə öz suveren hüquqlarını gerçəkləşdirməyə və müstəqil siyasət aparmağa başlamışdır. Ölkəmiz regionumuzda və Avropada yerləşən böyük iqtisadi gücü və siyasi nüfuzu olan ölkələrlə həm siyasi, həm iqtisadi, həm də hərbi əməkdaşlıq etməkdə maraqlıdır. Azərbaycan bugünə qədər Avropanı neft və qaz ilə təchiz edirdisə, artıq ölkəmiz enerji siyasətində yeni bir mərhələyə qədəm qoyub. Bu, bərpaolunan enerji resursları ilə bağlıdır. Bu gün elektrik enerjisinin Avropaya nəql edilməsi üzərində işlər aparılır.

Prezident İlham Əliyev cari ilin 2 sentyabr tarixində İtaliyanın Çernobbio şəhərində keçirilmiş 48-ci Beynəlxalq Çernobbio Forumunda «Enerji təhlükəsizliyinin təmin olunmasında Azərbaycanın rolu» mövzusunda çıxışında qeyd etdi ki, Azərbaycanın təbii qaz ehtiyatlarına tələbat durmadan artır. "Bir il yarım ərzində artıq Avropaya 13,5 milyard kubmetr qaz nəql edilib ki, onun da 11,7 milyard kubmetri İtaliyanın payına düşür. Cari ildə İtaliya bazarına 10 milyard kubmetr qaz nəql etmək planlaşdırılır. Ümumi ixracımız 22 milyard kubmetrdən artıq olacaq və burada artım üçün çox böyük potensial var." Avropa İttifaqı ilə Azərbaycan arasında enerji sahəsində strateji tərəfdaşlığa dair Anlaşma Memorandumunun imzalanması bütün ölkələr üçün böyük perspektivlər vəd edir. Sözügedən Memorandum enerji resurslarımızın daha da inkişaf etdirilməsi istiqamətində atılmış çox vacib addımdır. Bu sənəd gələcək fəaliyyətimizin yol xəritəsidir.

Deputat diqqətə çatdırıb ki, Azərbaycanın enerji diplomatiyasındakı uğurları iqtisadi imkanlarımızın genişlənməsində əhəmiyyətli rol oynayır ki, bu da öz növbəsində hazırda işğaldan azad edilmiş ərazilərimizdə bərpa və quruculuq işlərinin geniş miqyas almasında sözünü deyir.
Bakı Gömrüyündə yeni təyinatın ilk fəsadıXəbər verdiyimiz kimi, Dövlət Gömrük Komitəsi (DGK) sədrinin birinci müavini İsmayıl Hüseynov Bakı Baş Gömrük İdarəsinin rəisi vəzifəsinin müvəqqəti icrasına başlayıb.

Axar.az-a daxil olan məlumata görə, İ.Hüseynovun ilk işi ölkəyə mal gətirən iş adamları ilə geniştərkibli görüş keçirmək olub.

İ.Hüseynov iş adamlarına bildirib ki, gömrük bəyannaməsində mal-məhsulun alış qiymətini gizlətməyə çalışanlara 10%-lik cərimə tətbiq ediləcək.

Qeyd edək ki, bu “cəza növü” qanunvericilikdə nəzərdə tutulmayıb və iş adamlarını hər zaman narazı salan məsələ də məhz gömrük bəyannaməsində məhsulun qiymətinin göstərilməsidir.

Səfər Mehdiyev Dövlət Gömrük Komitəsinin sədri təyin edildikdən sonra “yeni qaydalar” müəyyən edilmişdi, qiymətləri gömrükçülər özləri təyin edirdilər. Bunun üçün isə yerli bazardakı topdansatış məzənnə əsas götürülürdü. Məsələn, ölkəyə idxal edilən yağın qiyməti hər dəfə ölkə daxilindəki topdansatışa uyğunlaşdırılırdı. İş adamı isə yeni qiymətlə malı rəsmiləşdirdikdən sonra topdansatış məntəqələrinə məhsulu verərkən, öz qazancını əlavə etməli olurdu. Beləliklə, topdansatışda yeni qiymətlər yaranırdı və Gömrük Komitəsi növbəti dəfə yeni qiymətlərlə məhsulu rəsmiləşdirirdi. Nəticədə hər ay daxili bazarda məhsul bahalaşması müşahidə edilməyə başlamışdı.

İ.Hüseynovun iş adamlarına xəbərdarlığından belə bəlli olur ki, eyni prosesin davam etməsi ehtimalı var.
"Best of India" Ticarət Sərgisi açılacaqBest of India (Hindistanın ən yaxşıları) - Hindistan məhsullarının ən böyük eksklüziv Ticarət Sərgisi 2 sentyabr 2022-ci il tarixində açılacaq

ANM Exhibitions, (1965-ci ildə Hindistan Hökuməti, Ticarət Nazirliyi tərəfindən yaradılmış) Hindistan İxrac Təşkilatları Federasiyası və Hindistanın Bakıdakı Səfirliyi ilə birgə 2- 12 sentyabr 2022-ci il tarixlərində səhər saat 11:00-dən axşam saat 19:00-dək Bakıda, M. Hüseynov küçəsi (keçmiş Neftçilər prospekti) 26A ünvanında yerləşən Bakı İdman Sarayında Best of India - Hindistan məhsullarının ən böyük eksklüziv Ticarət Sərgisini təşkil edir. Xarici ölkələrdə ardıcıl olaraq təşkil olunan bu sərgi, Hindistan sənayesinin yüksək keyfiyyətli dəb, tekstil və həyat tərzi məhsullarını dünyaya tanıdır.

Hindistanın Səfirliyinin Müvəqqəti İşlər Vəkili cənab Vinay Kumar bildirib ki, “Best of India” sərgisinin doqquzuncu buraxılışı olacaq bu ilki sərgidə özünün düyü, çay, ədviyyat, hədiyyələr, əl işləri, ev mebeli kimi yüksək keyfiyyətli məhsul və xidmətlərini nümayiş etdirəcək Hindistanın 65-ə yaxın şirkəti iştirak edəcək.
Cənab Kumarın sözlərinə görə, tədbirin əsas marağı sərginin ilk üç günü saat 13:00-dən saat 16:00-ya qədər davam edəcək “Hindistan yaradıcılığı səhnədə” Ekslüziv canlı Dəb Nümayişi olacaq. Bütün bunlar ziyarətçilər üçün ödənişsiz təqdim olunacaq.

Ziyarətçilər tədbirin davam etdiyi günlər ərzində istənilən vaxt Hindistan Səfirliyinin stendində ödənişsiz olaraq Hindistan çayını dada bilərlər. Bundan əlavə, tədbir zamanı böyük LED ekranda Hindistanın turizm, mədəniyyət və investisiya imkanlarının təbliğatı məqsədilə Azərbaycan dilində subtitrlərlə videoların fasiləsiz nümayişi olacaqdır.

Cənab Kumar vurğulayıb ki, tədbirdə biznes və ticarətlə yanaşı, zəngin Hindistan mədəni irsinin xalq rəqsləri, Bollivud mahnılarının ifaları, ənənəvi alətlərdə ifa, xına (Mehndi) sənəti və s. vasitəsilə təmsil olunması da diqqət mərkəzində olacaq və bu da öz növbəsində “Best of India” tədbirinə əlavə dəyər qatacaq. Sərgiyə giriş ödənişsizdir.

Müqəvvət İşlər Vəkili cənab Kumar həmçinin qeyd edib ki, Hindistan və Azərbaycan arasında tarixi əlaqələrə əsaslanan sıx dostluq münasibətləri mövcuddur. 2022-ci ilin yanvar-iyul aylarında Hindistan və Azərbaycan arasında ümumi ikitərəfli ticarət dövriyyəsi ötən ilə nisbətən 169,1% artaraq 1,184 milyard ABŞ dolları təşkil edib. Bundan başqa, Hindistan və Azərbaycan arasında Hindistan Texniki və İqtisadi Əməkdaşlıq (İTEC) proqramı çərçivəsində də genişlənməkdə olan əməkdaşlıq mövcuddur. Bu proqram Azərbaycanın təcrübəli mütəxəssislərin və tələbələrin potensiallarınının artırılması üçün Hindistan dövlət qurumlarında bütün xərcləri qarşılanan təlim proqramları ilə təmin edir.
AQC sertifikasiya imtahanlarının nəticələrini ictimaiyyətə təqdim etdi – FOTOLARDeputatlar və ictimai xadimlər qiymətləndiricilərə sertifikatlar təqdim edib

Bu gün “Excelsior Hotel”də Azərbaycan Qiymətləndiricilər Cəmiyyəti (AQC) tərəfindən təşkil olunan “Daşınmaz əmlakın növləri üzrə” sertifikatlaşdırma kursunun təqdimat mərasimi baş tutub. Tədbir torpaqlarımızın azadlığı uğrunda canından keçən şəhidlərimizin xatirəsinin bir dəqiqəlik sükutla yad edilməsi və Azərbaycan Respublikasının Dövlət Himni ilə açıq elan edilib. Mərasimdə Azərbaycan Qiymətləndiricilər Cəmiyyətinin (AQC) fəaliyyətindən bəhs edən video-çarx nümayiş olunub.

Tədbirin moderatoru, tanınmış jurnalist Azər Niftiyev bildirib ki, 1999-cu ildən fəaliyyət göstərən Azərbaycan Qiymətləndiricilər Cəmiyyətinin (AQC) bu ilin mayında keçirilən yekun konfransından sonra qurumun fəaliyyətində ciddi canlanma müşahidə olunur. O qeyd edib ki, AQC rəhbərliyində baş verən dəyişilikliklərdən və iqtisadçı ekspert Vüqar Orucun bu quruma sədr seçilməsindən sonra cəmiyyət keyfiyyətcə yeni mərhələyə qədəm qoyub.

Azərbaycan Qiymətləndiricilər Cəmiyyətinin (AQC) sədri Vüqar Oruc qeyd edib ki, rəhbəri olduğu cəmiyyət Azərbaycanda qiymətləndiricilərin sertifikasiyasını aparan yeganə qurumdur. Bu günə qədər yüzlərlə qiymətləndiricinin AQC tərəfindən “Daşınmaz əmlakın növləri üzrə”, eləcə də “Daşınar əmlakın növləri üzrə” sertifikasiyadan keçdiyini söyləyən V.Oruc sertifikasiya imtahanlarının iki hissədən ibarət olduğunu vurğulayıb. Birinci mərhələdə peşəkar mütəxəssislər tərəfindən qiymətləndirmə metodologiyasının tədris olunduğunu, ikinci mərhələdə isə praktiki məşğələlərin keçirildiyini və yekunda sertifikasiya imtahanının təşkil edildiyini diqqətə çatdırıb.

Əlavə edib ki, bu dəfə imtahanlarda yüksək nəticə göstərməyən, lakin qismən fərqlənən iştirakçılara əlavə olaraq apellyasiya imtahanında iştirak etmək hüququ tanınıb. Ümumilikdə 28 kurs iştirakçısı arasından 16 qiymətləndiricinin sertifikat aldığını söyləyən AQC sədri bank-maliyyə, dövlət və özəl sektorda, habelə qiymətləndirmə şirkətlərində çalışan mütəxəssislər tərəfindən kurslara ciddi tələbat olduğunu söyləyib. Qalibləri təbrik edən V.Oruc cəmiyyətin tarixində ilk dəfə olaraq qaliblərə sertifikatların millət vəkilləri, QHT sədrləri, media kapitanları, nüfuzlu ictimai xadimlər tərəfindən təqdim olunacağını bəyan edib.

Çıxış edən Milli Məclisin deputatları Bəhruz Məhərrəmov, Rüfət Quliyev və Etibar Əliyev, “Konstitusiya” Araşdırmalar Fondunun prezidenti, Daxili İşlər Nazirliyi yanında İctimai Şuranın sədri Əliməmməd Nuriyev, Azad İstehlakçılar Birliyinin (AİB) sədri Eyyub Hüseynov, Fed.az portalının rəhbəri Əli Əhmədov, Azərbaycan Qiymətləndiricilər Cəmiyyətinin (AQC) sabiq sədri, sahibkar İradə Şükürova Cəmiyyətin gördüyü işlərdən bəhs edərək, qurumun fəaliyyət istiqamətləri ilə bağlı təkliflərini diqqətə çatdırıblar. Qonaqlar qeyd ediblər ki, qiymətləndirmənin bir sahə olaraq aktuallığı artır və ölkə qiymətləndiricilərin bir platformada birləşməsi, kordinasiyalı fəaliyyət göstərməsi labüddür. Xüsusilə son aylarda cəmiyyətin aktiv fəaliyyətini qeyd edən qonaqlar AQC-nin ictimai hesabatlar təqdim etməsini təqdirəlayiq hal kimi qiymətləndiriblər. Qalibləri təbrik edən qonaqlar qiymətləndirmə sahəsinin vacib sahələrdən və ölkə iqtisadiyyatının sütun istiqamətlərdən biri olduğunu diqqətə çatdırıblar.

Daha sonra deputatlar, ictimai xadimlər və ölkədə fəaliyyət göstərən aparıcı qiymətləndirmə şirkətlərinin rəhbərləri tərəfindən qaliblərə sertifikatlar təqdim olunub. Qeyd edək ki, təlimlər “Demirchi Tower”də AQC sədri Vüqar Oruc, Azərbaycan Dövlət İqtisad Universitetinin (UNEC) dosentləri İbrahim Quliyev və Qəhrəman Bayramov tərəfindən tədris olunub. Kurs “Qiymətləndirmə haqqında” Azərbaycan Respublikasının qanunu, beynəlxalq qiymətləndirmə normativləri rəhbər tutularaq təşkil edilib.

Yekunda bildirək ki, Azərbaycan Qiymətləndiricilər Cəmiyyəti (AQC) ölkəmizdə qiymətləndiricilərin yeganə peşəkar birliyidir və 54 qiymətləndirmə şirkətini öz sıralarında birləşdirir. 1999-cu ildə təsis edilən cəmiyyət Azərbaycan qiymətləndiriciləri ilə beynəlxalq qiymətləndirmə təsisatları arasında əməkdaşlığı təmin edən, ölkədə qiymətləndiricilərin sertifikasiyanı aparan və Beynəlxalq Qiymətləndirmə Standartları Şurasında (IVSC) təmsilçilik hüququ qazanan yeganə qurumdur. Bu ilin may ayından Azərbaycan Qiymətləndiricilər Cəmiyyətinə (AQC) ölkəmizin aparıcı qiymətləndirmə şirkətlərindən olan – “Vecon Consulting” qiymətləndirmə şirkətinin təsisçisi və direktoru, iqtisadçı ekspert Vüqar Oruc rəhbərlik edir.

Setifikasiyadan keçən iştirakçılar:

Bağırov Fərid Xalid oğlu – “Trust Expert” MMC

Şamıyev Kamal Musa oğlu – “Roveks Konmark” MMC

Mirzəyev Rauf Koroğlu oğlu – “NNO” MMC

Sanılı Ülkər Aydın qızı – “VECON CONSULTING” MMC

Hüseynov Şükür Rzağa oğlu – “Müstəqil Ekspertiza Mərkəzi” MMC

Əzizov Cabir Əjdər oğlu – “UNİPRİCE” MMC

İbrahim Nahid Zeyni oğlu – “Business Service Centre” MMC

Niftili Tahir Əfruz oğlu – “VECON CENTRE” MMC

Nəcəfquluyev Elgün Nəsir oğlu – “MY EXPERT” MMC

Bayramov Nicat İnqilab oğlu – “Smart Business Group” MMC

Quliyev Murad Əhəd oğlu – “Smart Business Group” MMC

Tağıyev Süleyman Osman oğlu – “HÜQUQÇU” MMC

Mustafayev Ziya Mustafa oğlu – “VECON” MMC

Ələmdarlı Sabit Arif oğlu – “Azər Biznes Konsaltinq” MMC

Səfərov Namiq Məhəmməd oğlu – “Access Bank”

İsmayılov İlqar Mehman oğlu – “Access Bank”
Sadiq Qurbanovun elmi məqaləsi dünyanın nüfuzlu jurnalındaAzərbaycan Dövlət İqtisad Universitetinin (UNEC) dosenti, Milli Məclisin Təbii ehtiyatlar, energetika və ekologiya komitəsinin sədri Sadiq Qurbanovun elmi təşkilatçılığı ilə Türkiyə və Rusiyanın nüfuzlu universitetlərinin tədqiqatçıları ilə birgə dünyanın ən nüfuzlu beynəlxalq indeksləşdirmə sistemləri olaraq qəbul edilən “Scopus”, “Web of Science” bazalarına daxil olan və mühəndislik elmi istiqaməti üzrə reytinqi - CiteScore - Q1 olan “Energies” jurnalında (Energies 2022, 15, 6010. https://doi.org/10.3390/en15166010) “Tailored Blockchain Applications for the Natural Gas Industry: The Case Study of SOCAR (“Təbii qaz sənayesi üçün xüsusi uyğunlaşdırılmış blokçeynin tətbiqi: SOCAR-ın nümunəsi əsasında”) məqaləsi dərc olunub.

AZƏRTAC xəbər verir ki, təqdim olunan məqalə təbii qaz sektorunda blokçeyn texnologiyasının tətbiqini tədqiq edən ilk sistemli və ətraflı elmi-tədqiqat işidir.
Məqalədə - blokçeyn texnologiyasının iqtisadiyyatın müxtəlif sektorlarında tətbiqi və blokçeyn sisteminin qaz sənayesində istifadəsinin faydalılığı təhlil olunur və qiymətləndirilir. Tədqiqat işində blokçeyn texnologiyasının tətbiqinin məlumatların idarə edilməsinin optimallaşdırılması, əməliyyat xərclərini minimallaşdıracağı, yanlış qərar və fırıldaqçılığın qarşısını alacağı və texniki xidmət üzrə monitorinq işinin keyfiyyətini artıracağı elmi əsaslarla isbat olunur. Blokçeynə əsaslanan sistemin tətbiqi qaz sənayesində qazda sızmanın aşkarlanmasından tutmuş təbii qazın daşınmasına qədər prosesi izləmək imkanı verir.

Tədqiqat işində - SOCAR-da blokçeynə əsaslanan sistemin tətbiqinin nəticələrinin geniş təhlili verilir. Araşdırma zamanı müsahibə (müsahibələrdə SOCAR strukturuna daxil olan bir neçə rəhbər əməkdaş iştirak edib) və sorğu vasitəsilə təbii qaz sahəsində lider şirkətlərdən biri olan SOCAR-da blokçeynin tətbiqinin üstünlükləri, riskləri tədqiq olunub.

Məqalənin hazırlanmasında SOCAR rəhbərliyi tərəfindən verilən anlayışlar, təcrübələr və gözləntilərə dair materiallardan istifadə olunub. Müəyyən edilib ki, təbii qaz sənayesində blokçeyn tətbiqi barədə fikirlər qaz sənaye mütəxəssisləri tərəfindən birmənalı olaraq qarşılanmır, yanaşmalar və fikirlər xeyli fərqlənir.

Tədqiqat işində - blokçeyn tətbiqi yüksək təminatlı izlənəbilirliyin şəffaflığına, yüksək audit keyfiyyətinə, təbii qazda sızmanın avtomatik aşkarlanmasına, öhdəliklərini yerinə yetirməyən tərəflərin izlənməsi haqqında, ticarət müqavilələrinin icrası ilə bağlı uyğunluq dərəcəsinin dəqiqliyinə yol acacağı isbat olunub.

Həmçinin tədqiqat işində SOCAR-ın blokçeyndən istifadəsinin potensial sahələri müəyyən edilib, blokçeynin tətbiqinin problemləri, riskləri və onların həlli yolları göstərilib.

Xatırladaq ki, “Energies” - enerji siyasəti, texnologiya, mühəndislik və idarəetmə mövzularında aparılan elmi-tədqiqat işlərin yayımlayan beynəlxalq nüfuzlu elmi nəşrdir. “Energies” dünyanın ən nüfuzlu beynəlxalq indeksləşdirmə sistemləri olaraq qəbul edilən “Scopus”, “Web of Science” bazasındadır və elmi nəşr CiteScore - Q1 (mühəndislik) reytinqinə malikdir.
Əhalinin banklardakı əmanətləri 11 milyarda çatır2022-ci ilin yanvar-iyul aylarında Azərbaycan əhalisinin banklardakı əmanətlərinin ümumi həcmi ötən ilin eyni dövrü ilə müqayisədə 25,69 faiz artaraq 10,817 milyard manat təşkil edib.

Avrasiya.net bu barədə Mərkəzi Bankın hesabatına istinadən xəbər verir.

Ölkə üzrə bank əmanətlərinin 89,1 faizi (9,638 milyard manat) Bakı şəhərinin, 10,9 faizi (1,178 milyard manat) regionların payına düşüb. Eyni zamanda, əmanələtin 60,11 faizi (6,502 milyard manat) milli valyutada, 39,88 faizi (4,314 milyard manat) xarici valyutada olub.

İyulun 31-nə olan vəziyyətə görə, əmanətlərin orta illik dərəcəsi ölkə üzrə 3,29 faiz, Bakı şəhərində 3,14 faiz təşkil edib.