Ermənistan Zəngəzura hərbi texnika toplayır - FOTOErmənistan silahlı qüvvələri Zəngəzur istiqamətində hərbi texnika toplayır.

Avrasiya.net xəbər verir ki, bununla bağlı sosial şəbəkələrin Ermənistan seqmentində foto və videolar yayılıb.

Məlumata görə, Ermənistan ordusu Zəngəzur istiqamətində ağır texnikalar yerləşdirir. Ermənilər hesab edirlər ki, hərbi texnikaların sərhədə aparılması yeni döyüşlərin başlanmasına işarədir.
Daha 2 şəhidimiz varErmənistan silahlı qüvvələrinin törətdiyi təxribatların qarşısını alarkən Azərbaycan Silahlı Qüvvələrinin daha 2 hərbi qulluqçusu şəhid olub.

Bu barədə Müdafiə Nazirliyindən məlumat verilib.

Bununla da erməni təxribatlarının qarşısını alarkən şəhidlik zirvəsinə ucalan hərbi qulluqçuların sayı 79-a çatıb.

Qeyd edək ki, sentyabrın 12-si gecə və 13-ü səhər saatlarında Ermənistan silahlı qüvvələri tərəfindən Azərbaycanla dövlət sərhədinin Daşkəsən, Kəlbəcər, Laçın və Zəngilan istiqamətlərində genişmiqyaslı təxribat törədilib.
Xarici səyyahlar Qarabağ səfərindəAzərbaycanda olan dünya səyyahlarının işğaldan azad olunan ərazilərə səfəri davam edir. Səfərin ikinci günü səyyahlar Xocavənd və Füzuli rayonlarına üz tutublar.

Avrasiya.net xəbər verir ki, 20-dən çox ölkədən 40-a yaxın səyyah heyətinin rəhbəri dünyanın ən nəhəng 4 səyyah klubundan biri olan ABŞ-ın MTP (Most Travelled People) klubunun təsisçisi Charles Veleydir.

Səfər işğaldan azad edilmiş ərazilərin “black tourism” çərçivəsində tanıdılmasına dair müstəsna əhəmiyyət daşıyır. Səyyahlar səfərin marşrutuna uyğun olaraq ikinci gün Xocavənd və Füzuli rayonlarında olacaqlar. Onlar qədim yaşayış məskəni Azıx mağarası, Xocavənd və Füzuli rayonlarında işğal zamanı ermənilər tərəfindən törədilən vandalizm və azad olunan ərazilərdə tikinti quruculuq işləri ilə tanış olacaqlar.

Qeyd edək ki, ötən 1 il ərzində dünyanın biznes və turizm elitasını özündə birləşdirən əsas beynəlxalq səyahətçilər şəbəkələrinin - ETIC (Extremal Travellers International Congress), MTP (Most Travelled People), TCC (Travelers' Century Club), Nomadmania klublarının təsisçiləri, prezidentləri və tanınmış üzvləri səviyyəsində qrupların Qarabağ və Şərqi Zəngəzura 3 dəfə səfərləri təşkil edilib.

Bu səfərlərdə indiyədək ümumilikdə 25-ə yaxın ölkədən 100-dən çox beynəlxalq səyahətçi iştirak edib. Bu sayca 4-cü analoji səfərdir. Bu dəfə heyətdə daha çox ölkədən nümayəndələr iştirak edirlər.
Ermənilər Qarabağda yeni yol çəkirQarabağda yeni Xankəndi-keçmiş Əsgəran yolunun tikintisinə başlanılıb.

Bu barədə Rusiya sülhməramlı kontingentinin Telegram kanalı məlumat yayıb.

"Rusiya sülhməramlı kontingentinin hərbçiləri Rusiya bölmələrinin məsuliyyət zonasından keçən Naxçıvanik-Xankəndi yeni yolunun tikintisinin təhlükəsizliyini təmin edirlər", - məlumatda deyilir.

Yol keçmiş Əsgəran rayonunun Naxçıvanik kəndini və ona yaxın olan digər kəndləri birbaşa Xankəndiyə birləşdirəcək.
Azərbaycan maşınları yeni Laçın yolunda – Ermənilər təəccübləndiLaçın dəhlizinə alternativ yoldan Azərbaycan maşınlarının da istifadə etməsi erməni mediasını təəccübləndirib.

Axar.az xəbər verir ki, “Nyus.am” əməkdaşları 1 sentyabrda Xankəndiyə gələrkən Azərbaycan maşınlarının da bu yoldan istifadə etdiyini görüblər.

Bildirilib ki, Azərbaycan avtomobillərinin yeni yolda görünməsi sülhməramlı qüvvələrin dayaq məntəqələrinin yeni marşruta köçürülməsi işində iştirakla bağlıdır.
Jurnalistlər Laçına getdiMüdafiə Nazirliyinin təşkilatçılığı ilə Laçın şəhərinə jurnalistlərin səfəri baş tutub.

Avrasiya.net xəbər verir ki, jurnalistlər Azərbaycan hərbçilərinin Laçın şəhərindəki xidməti ilə tanış olublar.

Hərbçilərin xidməti barədə məlumat diqqətə çatdırılıb.

Qeyd edək ki, avqustun 26-da Laçın şəhəri, Zabux və Sus kəndləri Azərbaycanın nəzarətinə keçib.

Həmin ərazilərdə yaşayan ermənilər keçmiş Laçın dəhlizinə alternativ yolun Azərbaycan hissəsində çəkilişi yekunlaşdıqdan sonra oranı tərk ediblər.

Bildirək ki, 10 Noyabr Bəyanatının 6-cı maddəsinə əsasən, Rusiya sülhməramlı kontingentinin müvəqqəti dislokasiya edildiyi ərazilərə Laçın şəhəri, Zabux və Sus kəndləri də daxil idi.

Alternativ marşrutun çəkilişindən sonra sülhməramlılar xidmət yerini dəyişiblər. Onlar hazırda alternativ yolda xidmət aparırlar.
Xarici diplomatların Şuşa səfəri başladıXarici ölkələrin Azərbaycandakı diplomatlarının Füzuli və Şuşaya səfəri başlayıb.

Avrasiya.net xəbər verir ki, bu barədə Azərbaycan Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Tvitter hesabında bildirib.

“Ümumilikdə 160 daimi və qeyri-rezident diplomatik korpusun nümayəndələri ilə təyyarə ilə Füzuliyə uçuruq, sonra isə Şuşaya gedəcəyik. Yol boyu diplomatik korpusun nümayəndələri minalardan təmizləmə əməliyyatlarını və kütləvi bərpa işlərini görəcək, xüsusi nümayəndələrin təqdimatlarını dinləyəcək”, - Azərbaycan Prezidentinin köməkçisi bildirib.
Azərbaycan Prezidentinin tapşırığına əsasən, daxili işlər naziri tərəfindən Laçın rayon müvəqqəti komendantlığı yaradılmaqla, rayon polis şöbəsinin rəisi müvəqqəti komendant təyin olunub.

Bu barədə Avrasiya.net-ə Daxili İşlər Nazirliyinin (DİN) Mətbuat Xidmətindən məlumat verilib.

Qeyd edək ki, bu gün Prezident İlham Əliyev Tvitter səhifəsində Azərbaycan Ordusunun Laçın şəhərində yerləşməsi ilə bağlı paylaşım edib. Ali Baş Komandan avqustun 26-da azərbaycanlıların Laçın şəhərinə qayıtdığının, Laçın şəhərinin, Zabux və Sus kəndlərinin nəzarətə götürüldüyünün müjdəsini verib. Bununla bağlı bütün laçınlıları və Azərbaycan xalqını təbrik edib.